Niu Article for Helpem Iumi Startim Story

Start long March 2016, last page bilong pablik Wastaoa magasin hem garem disfala article “Wanem Nao Bible Hem Talem?” Disfala article bae helpem iumi for startim story long preaching waka. Hao olketa designim disfala article hem olsem olketa tract bilong iumi. Hem garem kwestin, scripture long Bible wea ansarem datfala kwestin, and samfala nara point wea iu savve iusim for story long haosholder.

Taem iumi story gud witim pipol abaotem Bible, datwan savve lead go for startim olketa Bible study. Iusim disfala niu article for helpem staka pipol moa for savve long Bible.—Mt 5:6.

HAO FOR IUSIM DISFALA ARTICLE:

1. Askem wanfala kwestin long article and herem tingting bilong haosholder

2. Lisin long samting wea hem talem and talem thankiu long hem for datwan

3. Readim scripture wea stap andanit long heding “Bible Hem Sei,” and askem tingting bilong hem abaotem datfala scripture. Sapos hem garem taem, storyim information andanit long heding “Wanem Nao Olketa Nara Samting wea Iumi Savve Lanem From Bible?”

4. Offerim datfala magasin

5. Mekem arrangement for go bak and storyim mek-tu kwestin