Jehovah Bae No Lusim Man wea Barava Sorre

David raetem Psalm 51 bihaen profet Nathan kaonselem hem from hem durong witim Bath-sheba. David luksavve hem duim bigfala sin, and hem talemaot sin bilong hem.—2Sa 12:1-14.

David duim bigfala sin, bat bihaen hem fren bak moa witim Jehovah

51:3, 4, 8-12, 17

• Konsens bilong David mekem hem sorre tumas long wanem hem duim, so hem repent and talemaot sin bilong hem

• From hem savve God no hapi long hem, datwan mekem hem sorre tumas and hem feel olsem evri bon bilong hem pisis nao

• Hem barava laekem God for forgivim hem, and for hem fren bak witim God and for hapi olsem bifor

• Hem prea strong long Jehovah for helpem hem for obeyim hem

• Hem savve Jehovah bae forgivim hem