Hao for Iusim Followim Toktok Bilong God Brochure

Disfala brochure Followim Toktok Bilong God olketa wakem for helpem pipol wea no savve read for minim Bible. Each leson hem stap long tufala page and staka piksa bae helpem olketa for minim datfala leson. Olketa laen midolwan long olketa piksa hem garem samting wea point go long next piksa for storyim.

Datfala brochure Followim Toktok Bilong God Mekem Iu Laef Olowe hem garem olketa sem piksa olsem Followim Toktok Bilong God brochure, bat hem garem staka toktok, and iu savve iusim datwan for helpem pipol wea no savve read gud. Staka pablisa laek for iusim datfala brochure taem student iusim Followim Toktok Bilong God brochure, mekem hem isi for pablisa storyim olketa piksa long student. Samfala leson garem box wea olketa nara scripture stap for storyim, sapos hem fitim student.

Taem iu preach, iu savve offerim eniwan long tufala brochure hia, nomata hem no offer bilong datfala month. Taem iu iusim brochure for duim Bible study, storyim olketa piksa, and askem olketa kwestin for mek sure student minim wanem hem lanem. Readim and story raonem olketa scripture wea stap long botom long page. Bihaen iutufala finisim datfala brochure, iu savve iusim Wanem Nao Really Samting wea Bible Teachim? buk for helpem Bible study for kamap fit for baptaes.