Iu Kasem Gud Samting From Lukluk lo Olketa Scripture Evriday?

Waswe, wanfala samting insaed spiritual schedule blo iu hem for readim scripture and koment for each day lo Lukluk lo Olketa Scripture Evriday? Sapos nomoa, hem gud for putim diswan insaed spiritual schedule blo iu. Staka lukluk lo text lo start blo day mekem insaed lo day olketa savve ting raonem and followim wanem olketa lanem lo text. (Josua 1:8; Sams 119:97) Wanem moa iu savve duim for kasem gud samting from text? Readim chapter wea scripture kam from for savve lo full story. Trae for tingim eni story lo Bible wea showimaot klia principle lo datfala scripture. Then followim datfala principle. Taem iu mekem disison wea followim wanem Bible talem, hem bae helpem iu and bae iu kasem gud samting.—Sams 119:105.

Olketa Bethel famili evriwea lo world duim text lo Lukluk lo Olketa Scripture Evriday lo start blo day. Lo olketa year wea go pas, staka morning worship program hia olketa putim lo JW Broadcasting^® anda lo sekson PROGRAMS AND EVENTS. Waswe, iu lukim eni morning worship program finis? Maet wanem iu herem hem barava fitim iu. Example, hao nao story blo Lot helpem iu for disaedem samting?

LUKIM VIDEO NO LOVEM WORLD (1JO 2:15), THEN ANSAREM OLKETA KWESTIN HIA:

• Wanem Bible principle nao disfala Morning Worship kam from?

• Wanem nao story blo Lot showimaot abaotem wei for lovem world and olketa samting blo world?—Jenesis 13:12; 14:12; 19:3, 12, 13, 24-26

• Hao nao iumi showim iumi lovem Jehovah and no disfala world and olketa samting lo world?