Mekem Schedule wea Fitim Famili

¹ Jesus encouragem olketa wea lisin long Sermon bilong hem long Maunten for “gohed for luk aotem fastaem kingdom and raeteous fasin bilong hem.” (Matt. 6:33) Wanfala gud wei for planim olketa samting wea famili bae duim mekem olketa spiritual samting kamap fasfala samting, hem for raetem wanfala schedule. Iusim lelebet taem for mekem wanfala famili schedule for evri week long schedule wea stap long page 6 bilong disfala insert. Samfala famili maet mekem project for raetem olketa card and pasim long schedule bilong olketa. Olketa narawan maet laek for raetem samting olketa bae duim.

² Example schedule long daon maet savve helpem iu for mekem schedule bilong iu. Bae iu lukim hao hem garem nomoa fofala main samting for duim: (1) attendim olketa kongregeson meeting, (2) famili field service, (3) famili study, and (4) story raonem text evriday. Sapos schedule bilong iu garem olketa samting hia, diswan savve helpem iu for “mek sure long olketa samting wea moa important.” (Phil. 1:10) Samfala nara idea abaotem diswan stap long page 4 and 5.

³ No fofala point hia nomoa savve stap long famili schedule bilong iu. Sapos famili savve preparem samfala meeting tugeta, markem taem for duim datwan long schedule bilong iu. Sapos iufala readim Bible tugeta bihaen iufala story raonem text evriday or long narataem, raetem diswan long schedule. Sapos iufala savve garem hapitaem, iu savve raetem datwan tu long schedule.

⁴ Changem famili schedule for fitim need and living bilong evriwan long famili. Bae hem gud samfala taem for lukim sapos schedule bilong iu hem gohed gud, and mekem change wea fitim.

[Chart long page 3]

Example Bilong Famili Schedule

Morning Aftanun Evening

Sun. Text Evriday

Publik Tok and

Wastaoa Study

Mon. Text Evriday Famili Study

Tues. Text Evriday Kongregeson

Buk Study

Wed. Text Evriday

Thurs. Text Evriday Theocratic

Ministry Skul

and Service

Meeting

Fri. Text Evriday

Sat. Text Evriday

Famili Field

Service

(Magasin Day)

[Chart long page 6]

Family Schedule

Morning Aftanun Evening

Sun.

Mon.

Tues.

Wed.

Thurs.

Fri.

Sat.

..................................................................