Why Olketa Israelite Duim Olketa Sakrifaes

1:3; 2:1, 12; 3:1

Taem olketa Israelite mekem olketa sakrifaes followim Law wea Jehovah givim lo Moses, datwan mekem Jehovah hapi. Olketa sakrifaes hia piksarem ransom sakrifaes blo Jesus and gud samting wea kamaot from dae blo hem.—Heb 8:3-5; 9:9; 10:5-10.

• Olketa Israelite mas sakrifaesim best animal. Datwan piksarem hao Jesus sakrifaesim perfect body blo hem.—1Pe 1:18, 19

• Olketa sakrifaes wea priest bonem hem for Jehovah. Datwan piksarem Jesus wea sakrifaesim laef blo hem for Jehovah

• Olketa Israelite savve mekem sakrifaes for stap gud witim Jehovah. Olsem tu, taem olketa anointed kaikaim bred and drinkim wine lo Memorial, olketa stap gud witim God