Olketa Convention Evri Year Hem Chance for Showimaot Love

Why nao iumi enjoyim tumas olketa convention blo iumi wea kamap evri year? Olsem olketa lo Israel bifor, olketa convention distaem hem chance for hipap witim staka handred or thousand brata and sista for worshipim Jehovah. Iumi enjoyim staka nambawan spiritual kaikai. Iumi barava enjoyim tu taem wea iumi spendem witim olketa frens and famili. Bikos iumi barava tinghae lo olketa convention iumi mek sure iumi attendim thrifala day evriwan.

Taem iumi hipap tugeta iumi shud no tingim nomoa samting wea iumiseleva savve kasem, bat iumi tingim hao for iumi showimaot love lo olketa narawan. (Gal 6:10; Heb 10:24, 25) Taem iumi openem door for olketa brata and sista blo iumi or no satem ples for olketa narawan sidaon, iumi showimaot iumi tingim narawan. (Php 2:3, 4) Olketa convention hem nambawan chance for garem olketa niu frens. Bifor and bihaen lo program and lo lunch brek, iumi savve story witim olketa wea iumi no savve lo olketa yet. (2 Co 6:13) Olketa frens wea iumi kasem lo olketa taem hia savve stap for olowe! Bat, samting wea barava important, taem pipol luk kam bae olketa lukim love wea iumi showimaot and datwan maet mekem olketa tu laek for servem Jehovah.​—Joh 13:35.

WATCHIM VIDEO “LOVE NO SAVVE FINIS”! OLKETA INTERNATIONAL CONVENTION, AND THEN ANSAREM OLKETA KWESTIN HIA:

• 

  Hao nao olketa showimaot love lo olketa delegate lo olketa 2019 international convention?

• 

  Why nao love and wan mind wea pipol blo Jehovah garem hem spesol tumas?

• 

  Wanem nao samfala samting abaotem Christian love wea olketa member blo Governing Body mekhae lo hem?

• 

  Hao nao Christian love hem showaot lo Germany and South Korea?

• Wat nao iumi shud disaed strong for duim?