Olketa Young Wan, Feel Free for Story Witim Parents blo Iu

Why nao iu shud no hol bak for storyim feeling blo iu lo parents blo iu? (Provebs 23:26) Bikos Jehovah givim responsibility lo olketa for kea and luk aftarem iu. (Sams 127:3, 4) Hem bae hard for olketa helpem iu sapos iu haedem wanem iu wari abaotem. And tu, iu bae missim wei for lane from olketa gudfala experience wea olketa kasem lo laef. Waswe, iu mas storyim nao evri tingting blo iu lo olketa? Nomoa, bat just mek sure iu honest lo olketa.​—Provebs 3:32.

Wat nao iu savve duim for story witim parents blo iu? Trae chusim taem wea fitim iu and olketa. Sapos hem hard for iu duim datwan, raetem daon feeling blo iu insaed wanfala leta and givim lo olketa. Hao sapos olketa laek storyim wanfala subject wea iu no feel free for storyim? Tingim, olketa laek for helpem iu. Ting lo parents blo iu olsem fren and no enemy. Wei wea iu story gud witim parents blo iu bae helpem iu for full laef blo iu, and laef olowe lo future tu!​—Provebs 4:10-12.

WATCHIM VIDEO TEENAGE LAEF BLO MI​—HAO NAO MI SAVVE STORY GUD WITIM DADI AND MAMI? AND THEN ANSAREM OLKETA KWESTIN HIA:

• 

  Wat nao Esther and Partik start for luksavve lo hem?

• 

  Wat nao iu savve lanem from example blo Jesus?

• 

  Wat nao parents blo iu duim wea showimaot olketa kea for iu?

• 

  Olketa wanem Bible principle nao savve helpem iu for story lo parents blo iu?