Waswe, Iu Redi for Deal Witim Taem wea Faet Kamap lo Kantri blo Iu?

Taem iumi klosap lo end blo disfala system, iumi expectim olketa samting olsem terrorism, war, and olketa faet wea kamap lo kantri for kamap moa big. (Re 6:4) Hao nao iumi savve redi for deal witim olketa challenge wea bae kamap lo future?

• Redi gud lo spiritual wei: Faendem olketa Bible principle and olketa story, wea bae strongim wei wea iu trustim Jehovah and organization blo hem, and wea bae helpem iu for no teksaed. (Provebs 12:5; jr-E 125-126 ¶23-24) Distaem nao iumi shud strongim wei for fren witim olketa brata and sista insaed kongregeson.​—1Pe 4:7, 8

• Redyim olketa physical samting wea iu needim: Mekem plan lo wat for duim sapos iu bae no savve lusim haos. Mek sure iu garem samting wea iu needim hem stanbae lo haos. And tu, planim wat for duim sapos iu bae need for ranawe. Reviewim wat iu putim insaed ranawe basket blo iu, and putim insaed basket samfala selen and samting for protectim iu olsem glove and mask. Hem gud for savve hao for contactim olketa elder, and mek sure olketa savve hao for contactim iu.​—Aesaea 32:2; g17.5-E 3-7

Lo taem blo faet, no stop for duim olketa spiritual samting wea iu duim evriday. (Php 1:10) No muv lo olketa didifren ples. Bat iu savve muv only sapos iu need for duim datwan. (Mt 10:16) Sharem witim olketa narawan kaikai and olketa nara samting.​—Ro 12:13.

WATCHIM VIDEO WASWE, IU REDI FOR TAEM BLO DISASTER? AND THEN ANSAREM OLKETA KWESTIN HIA:

• Hao nao Jehovah savve helpem iumi lo taem blo disaster?

• Wat nao samfala samting iumi savve duim for redi?

• Hao nao iumi savve helpem olketa narawan wea disaster affectim olketa?