Waswe, Iu Redi?

Waswe, iu redi sapos natural disaster kasem ples blo iu? Earthquake, cyclone, bush fire, tsunami, or bigfala flood savve seknomoa happen and savve distroem staka samting. And tu, terrorism, pipol againstim gavman, and bigfala sik savve kamap eniwea and lo enitaem wea iumi no expectim. (Eklesiastes 9:11) Iumi shud no tingse olketa nogud samting olsem bae no happen lo ples wea iumi stap.

Iumi each wan shud duim samting for redi for taem blo disaster. (Provebs 22:3) Nomata organization blo Jehovah bae helpem iumi lo taem blo disaster, iumiseleva tu mas duim samting for redi.—Ga 6:5.

LUKIM VIDEO WASWE, IU REDI FOR TAEM BILONG NATURAL DISASTER? THEN ANSAREM OLKETA KWESTIN HIA:

• 

  Hao nao wei for fren witim Jehovah savve helpem iumi taem disaster happen?

• 

  Why nao hem important for . . .

  • • no hol bak for story lo olketa elder bifor disaster happen, lo taem blo disaster, and bihaen lo disaster?

  • • redyim basket for ranawe?—g17.5-E 6

  • • story witim famili abaotem olketa difren kaen disaster and wanem for duim taem hem happen?

• 

  Wanem nao thrifala samting iumi savve duim for helpem olketa narawan taem olketa kasem disaster?