Gohed Redi lo Last Part blo “Olketa Last Day”

Taem iumi gohed deal witim olketa last part blo “olketa last day,” iumi expectim olketa hard taem bae hem kamap worse go moa. (2Ti 3:1; “pangs of distress” lo study note blo Mt 24:8 nwtsty) Taem iumi feisim wanfala disaster, staka taem, pipol blo Jehovah kasem direction lo barava taem and wea savve sevem laef. Wei wea iumi sev lo datfala taem maet depend lo hao iumi obey and redi gud distaem lo spiritual and lo physical wei.—Lu 16:10.

• Redi lo spiritual wei: Garem gudfala spiritual schedule. Lanem olketa difren wei for duim ministry. No panic sapos iu bae stap difren for lelebet taem from olketa narawan lo kongregeson. (Aesaea 30:15) Evritaem Jehovah and Jesus stap witim iu.​—od-E 176 ¶15-17

• Redi lo physical wei: Witim wei for redyim wanfala emergency basket, evriwan need for redyim inaf kaikai, wata, medicine, and olketa kaen samting olsem, nogud iu bae stap lo wanfala ples for lelebet longtaem.​—Provebs 22:3; g17.5-E 4, 6

WATCHIM VIDEO WASWE, IU REDI FOR TAEM BILONG NATURAL DISASTER? AND THEN ANSAREM OLKETA KWESTIN HIA:

• 

  Hao nao iumi savve redi lo spiritual wei for wanfala disaster?

• 

  Why nao iumi shud . . .

  • garem gudfala wei for story witim olketa elder?

  • preparem wanfala emergency kit?

  • reviewim olketa difren kaen disaster wea savve kamap and wanem for duim lo each situation?

• 

  Wanem nao thrifala wei wea iumi savve helpem olketa narawan taem olketa kasem disaster?

ASKEM IUSELEVA, ‘Olketa wanem leson abaotem wei for prepare nao mi lanem from disfala COVID-19 pandemic?’