Markem Olketa Goal for Taem blo Memorial

Evri year, pipol blo Jehovah luk forward for hipap tugeta lo Memorial. Lo olketa week bifor and bihaen lo Memorial, iumi mekius lo olketa chance wea iumi garem for praisem and sei thankiu lo Jehovah for present blo ransom. (Eph 1:3, 7) For example, iumi waka hard for invaetem narawan for kam lo Memorial. Samfala changem samfala samting lo laef blo olketa mekem olketa savve auxiliary pioneer lo March or April bikos goal hem 30 or 50 hour nomoa. Waswe, iu laek for duim moa samting lo ministry lo taem blo Memorial? Wat nao savve helpem iu for duim datwan?

Taem iumi plan gud firstaem, bae iumi savve duim staka samting. (Provebs 21:5, SIPB) From taem blo Memorial hem klosap, distaem nao hem taem for start for mekem plan. Ting raonem hao for duim moa samting lo ministry lo taem blo Memorial, and disaedem wat iu need for duim for kasem olketa goal blo iu. Then askem Jehovah for blessim wanem iu duim.​—1Jo 5:14, 15.

Waswe, iu tingim samfala samting wea iu savve duim lo ministry lo taem blo Memorial?