Olketa Reminder for Memorial

Iumi bae celebratem Memorial bilong disfala year long Wednesday, April 12. Olketa elder shud tingim olketa samting hia.

◼ Taem iu markem taem for meeting, mek sure for pasim raon bred and wine bihaen sun go daon.

◼ Speaker and evriwan shud savve long barava taem and ples for celebratem Evening Kaikai Bilong Lord.

◼ Shud redyim stretfala kaen bred and wine.—Lukim February 15, 2003, Wastaoa, pp. 14-15.

◼ Putim firstaem olketa pleit, kap, wanfala tebol and kaleko wea fitim long ples wea olketa shud stap.

◼ Shud klinim gud firstaem Kingdom Hall or eni nara ples for meeting.

◼ Chusim olketa attendant and olketa wea bae pasim bred and wine. Olketa shud kasem instruction saed long stretfala wei for duim assignment bilong olketa. Lukluk and kaleko bilong olketa brata hia shud klin and showimaot respect.