Sera ki Biblia Tene un Storia Izatu di Vida di Jesus?

Resposta di Biblia

Un skirbidur di Biblia comadu Lukas fala sin aserka di vida di Jesus: “N punta tok N paña pe di tudu e kontisimentus disna di kumsada”. — Lukas 1:3.

Alguns jintis ta afirma kuma relatu di vida di Jesus suma ki kontadu na Ivanjelius — livrus ku skirbidu pa jintis di si tempu suma Mateus, Markus, Lukas, ku Jon — bin alteradu mas tardi na kuartu sekulu.

Un parti importanti di Ivanjeliu di Jon diskubridu na Ejitu na kumsada di sekulu 20. I kunsidu suma Papiru Rylands 457 (P⁵²) tambi i guardadu na Livraria di John Rylands na Manchester, Inglatera. I tene ke ku sta na Jon 18:31-33, 37, 38 na Biblias mudernu.

Es i parti di manuskritu mas antigu di Skrituras Gregu ku kunsidu. Manga di spesialistas fia di kuma i skirbidu serka di 125 EK, un kuartu di sekulu o dipus ku oriẑinal skirbidu. Testu di es parti di livru kuas i mesmu ku ki manuskritus ku bin dipus.