Sera ki Biblia Fala di Kasamenti di Jintis di Mesmu Seksu?

Resposta di Biblia

No Kriadur stablisi normas aserka di kasamenti muitu antis di guvernus kumsa kria leis aserka del. Purmeru livru di Biblia fala sin: “Omi ten ku disa si pape ku si mame, i junta ku si minjer; elis dus e ta sedu un kurpu son.” (Kumsada 2:24) Di akordu ku disionariu Vine’s Expository Dictionary of Biblical Words, palabra ebraiku “minjer”, i “ta da ideia di algin ki femia.” Jesus konfirma di kuma jintis ku na kasa dibi di sedu “macu ku femia”. — Mateus 19:4.

Asin, intenson di Deus i pa kasamenti seduba un union permanenti, i intimu entri un omi ku un minjer. Omi ku minjer fasidu pa kompleta n̈utru asin e na pudi satisfasi nesesidadi emosional ku seksual di n̈utru i padi fijus.