Sera ki Biblia Pudi Judan Tene un Vida di Familia Filis?

Resposta di Biblia

Sin. Ali un izemplu di un bon konsiju basiadu na Biblia ku juda ja milyons di omis ku minjeris pa e tene filisidadi na familia:

1. Legalisa bu kasamenti. Kasamenti legal un komprimisu pa tudu tempu i basi pa un familia filis. — Mateus 19:4-6.

2. Mostra amor ku rispitu. Es nklui trata bu parseru suma ku bu na mistiba pa i tratau. — Mateus 7:12; Efésius 5:25, 33.

3. Ivita di palabras duru. Papia ku bondadi, mesmu si bu parseru fala o fasi un kusa ku deu. (Efésius 4:31, 32) Suma ku Biblia fala na Ditus 15:1: “Bon rasposta ta kalma raiba, ma palabra duru i ta lantandal.”

4. Bo sedu fiel pa n̈utru. Guarda bu atenson romantiku ku seksual so pa bu parseru. (Mateus 5:28) Biblia fala: “Pa tudu jinti rispita kasamenti. Kama di kasadu pa ka i mancadu ku pekadu.” — Ebreus 13:4.

5. Kria bu fijus ku amor. Ivita di mima bu fiju o sedu duru dimas. — Ditus 29:15; Kolosensis 3:21.