Runa wak qalluta parlaptin
1. ¿Imaraykutaq qutuchakuykuna puraqmanta yanapanakunanku tiyan?
1 Pachantinpi, hermanosqa Diospa Reinonmanta willachkaspa, wak qallupi parlaqkunata. Diosmanta yachakuyta munaptinku. Chayrayku sucursales qutuchakuykunapi, chay runas Diosmanta yachakunankupaq, wak qallupi juchʼuy qutuchakuykunata ruwakunanta kamachinku, chay runasta yanapanankupaq. Chayrayku maypichá willanchik chaypi, achkha qalluspi parlakuptin, ichá achkha qutuchakuykunapi, chayllamantaq willaq rinku. Chantá, ¿imaynatá chay qutuchakuykuna yanapanakunkuman, maychus kaqta willamunankupaq? (1 Cor. 14:40.)
2. Wasimanta wasi willachkaspa, ¿imaynatá wak qallumanta qutuchakuyta, chayri juchʼuy qutuchakuyta, yanapasunman?
2 Yanapanakuna. Runaman, callespi, chayri wak lugarespi willachkaspa, mayqin qallullapipis Diosmanta willayta atisunman, chay qallunpi kaq publicacionestataq jaywasunman. Chaywanpis, wasimanta wasi willaq rispaqa, chaypi wak qallumanta qutuchakuy willallaptintaq, allin kanman qutuchakuyninchik ima qallupichus willachkan chay qallupi parlaq runasllata maskʼananchik. Chantapis juk chiqallapi achkha qutuchakuykuna willanku chayqa, tukuypis kay wasimanta wasi qillqanapaq allinta juntʼachinanku tiyan, chantapis qutuchakuykunamanta superintendentes de servicio nisqaqa, allinta apanakunanku tiyan, maypichus sapa qutuchakuy llamkʼananpaq (Pro. 11:14). Chaywanpis, wasimanta wasi willayninchikpi, wak qallupi parlaq runata tariptinchik, manataq chay lugarpi chay qallupi qutuchakuy kaptin, ñuqanchikqa, chay runaman Diosmanta willananchik tiyan, yachakuyta munaptintaq, yanapananchik tiyan.
3. ¿Imatá ruwasunman wak qutuchakuywan juk pʼunchaylla chay lugarllamantaq Diosmanta willaq riptinchik?
3 Juk llamkʼaylla. Iskay qutuchakuykuna, chay pʼunchayllataq juk chiqallanpi Diosmanta willachkanku chayqa, ¿imatá ruwakunanku tiyan? Ima qalluta parlaptinchikpis, munakuyninchikqa, jukchawananchik tiyan, chaytaq imaynatachus chay llugarpi willananchikta yanapawasun (Juan 13:34, 35). Chayrayku, qutuchakuymanta superintendentesqa, munakuywan allinta parlanqanku, mayqin qutuchakuychus wakniqman willaq rinanta (Sant. 3:17, 18).
4. ¿Ima profeciataq kay tiempopi juntʼakuchkan?
4 Bibliapiqa, unayña nikusqa, kay tiemponchikpi allin willaykunata, tukuy laya parlayniyuq runas uyarinankuta (Apo. 14:6, 7). Tukuyninchik jukchasqa llamkʼasun chayqa, mana qhasita juk wasillanman kutin kutita chayasunchu, chantapis achkha runasman Diosmanta willayninchikwan chayasun, ima qallutapis parlachunku (Efe. 4:16).