6 YACHAQANA

Bibliamanta sumajta sutʼinchay

Juan 10:33-36

KAYPI YACHAKUNKI: Uj versiculota leeytawan, mana chay rato waj imasmanta parlayta qallarinachu kasqanta. Manaqa uyarejkunata yanaparinayki tiyan imaraykuchus chay versiculota leesqaykita entiendenankupaj.

¿IMAYNATÁ CHAYTA RUWAWAJ?

Wakin palabrasta astawan sutʼinchay. Bibliamanta uj versiculota leeytawan, imamantachus parlashasqaykiman jina wakin palabrasta sutʼinchariy. Chaypajqa chay palabrasta oqhariwaj chayri wakin tapuykunata ruwawaj. Ajinamanta uyarejkuna leerqanki chay versiculopi chay palabrasta tariyta atenqanku.

Bibliamanta uj versiculota leeytawan, waj palabraswan sutʼinchayqa sumaj yanapa. Imaraykuchus uyarejkunaqa reparanqanku chay sutʼinchasqaykeqa Bibliaman jinapuni kasqanta.
Imastachus uyarejkuna yuyarikunankuta munanki chay imasta sutʼinchay. Uj versiculota niraj leeshaspa uj imamanta parlarerqankiña chayqa, chay versiculota leeytawan wakin palabrasta sutʼinchariy imamantachus parlasqaykiman jina.

Bibliamanta uj versiculota leeytawanqa, Bibliaykita kicharisqallata japʼiy. Chayta ruwajtiykeqa uyarejkunapis Bibliankuta kicharisqallatataj japʼenqaku, Bibliankupitaj qhawayta atenqanku Bibliamantapuni parlarishasqaykita.
Entiendesunankupaj jinalla sutʼinchay. Uj versiculomanta sutʼinchashaspaqa ama tukuy imamanta parlaykuychu, manachayqa imatachus sutʼinchashanki chayllamanta. Imasmantachus sutʼinchanaykita yachanaykipajqa, sumajta reparay imastachus uyarejkuna yachasqankutaña.