PILAWANPIS PARLAR GALAYCUSHUN
YACHACUY 4
Ali tucushwanchu
Biblia cayno tantiachicun: “Pïmaytapis aliman churar respitapäkuy” (Filip. 2:3).
¿Imatataj Pablo rurargan?
1. Ricänapaj caycan juc VIDEO o Hechos 26:2, 3 textutapis leiriy. Nircur yachacuy cay tapucuycunapita:
¿Ali tucuypachu rey Agripata Pablo parlapargan?
¿Pabluga musyaj tucurganchu, o quiquin Jehovapita y Palabranpitapis parlamurganchu? (Ricarcuy Hechos 26:22 textutapis).
¿Imatataj yachacunchi Pablo rurashganpita?
2. Mana ali tucuylapa y respetulawan runacunata parlaparga, Diospita yachachishganchitaga chasquicärengami.
Pablo rurashganno rurashun
3. Yachaj tucojcunanoga cashwanchu. Pitapis pengachishwanchu ‘gamga chayraj yachacuycanqui, shumaj tantianquirächu’ nir. Cuyashpanchimi respetulawan wasiyojcunataga parlapänanchi.
4. Pipis cuentatami gocunman quiquin Bibliapita yachachicushganchita. Bibliacho lapan guelgaraycajcunaga Diospa yarpaynincunami caycan, chaymi runacunapa shongunmanpis chayan. Pitapis cutin cutin leiparga yäracuynincunaga ali cimientuyojmi cangapaj.
5. Piwanpis cuyacoj cashun. Rasunpa cajta yachachiycaptinchipis manami shuyarashwanchu pipis jucla chasquicunanta, sinoga pajta ajayarpis ajayächishwanchi. Humilde carga mana piñacuylapami parlashun, aywacunapaj captinpis jaucala aywacushun (Prov. 17:14; Tito 3:2). Ali shimilapa pï wasiyojtapis parlaparga yapaychopis chasquimäshunmi.