Isaïas
9 Pëkunata pasanqanqa, manam Zabulonpawan Neftalïpa+ kastankunata mana allipa tratayaptin nunakuna llakikuyanqannötsu kanqa. Peru tsëpitaqa lamarman ëwaq näni kuchunchö, Jordan mayu* kinrëchö y juk nacion nunakuna täkuyanqan* Galilëa markachö nunakuna respetashqa kayänantam Teyta Dios permitinqa.
2 Ampichönö o tsakëchönö* kawëkaq nunakunam cläru atsikyaqta rikäyashqa
y ampichönö këkaqkunam alli atsikyaqta rikäyashqa.+
3 Tsë nacionchö nunakuna mëtsika kayänantam permitirqunki
y alläpa kushikuyänampaqmi yanaparqunki.
Tsëmi cosëcha tiempuchö kushikuyanqannö
y guërrachö ganar apakuyanqanta kushishqa rakipänakuyanqannö
rikënikichö alläpa kushikuyanqa.
4 Madian nunakunata vencir ushakätsinqëkinöllam,
lasaqta apayänan qeruta, hombrunkunachö maqayänan qeruta
y patronninkunapa garrutinta ushakätsirqunki.+
5 Guërraman ëwar bötasllakuyanqan bötaskunata
y yawarllana röpankunatapis ninam ushakätsinqa.
Pëmi gobernanampaq autoridäta chaskinqa,+
y Yachëwan Consejakoq,+ Alläpa Puëdeq Dios,+ Mana Wanoq Teyta y Yamë Kawakuyta Apamoq Gobernaq nirmi reqiyanqa.
7 Pëqa, David gobernar täkunqampitam+ gobernamunqa.
Gobiernunqa mëtsëyaqmi chanqa
y gobiernunchö nunakunaqa imëpis yamëmi kawakuyanqa.+
Alli kaqta rurarmi+ tsë gobiernuqa alli tsarakunqa+
y manam imëpis ushakanqatsu, kanan y imëpis këkanqallam.+
Angelkunata mandaq Teyta Jehovä munaptinmi tsënöqa kanqa.
8 Jacobpa kastankuna castigashqa kayänampaq Teyta Jehovä ninqanmi
Israel nunakunaman chämunqa.+
9 Tsëtaqa Efrainpita y Samariapita llapan nunakunam rikäyanqa.
Pëkunaqa allish tukoq y mana respetakoq karmi niyan:
Sicömoru qerukuna ushakashqa kayaptimpis,
cedru qerutanam churashun”.
11 Israelïtakunamanmi Teyta Jehoväqa
gobernaq Rezinpa chikeqninkunata mandamunqa,
y pëkunam israelïtakunata ushakätsita munayanqa.
12 Inti o rupay yarqamunan lädupita Siria soldädukuna
y inti jeqanan lädupita Filistëa soldädukuna shamurmi,+
mikukoq chukaru animalnö israelïtakunata ushakätsiyanqa.+
Tsënö këkäyaptimpis, Teyta Diospa cöleranqa manam pasashqaraqtsu,
13 Castiguëkaptimpis, manam pëkunaqa Teyta Diosman kutiyashqatsu,
manam angelkunata mandaq Teyta Jehoväta yapë ashiyashqatsu.+
14 Tsëmi Teyta Jehoväqa juk junaqllachö
Israel nunakunapa peqannö o umannö, chupannö,
15 Peqannö o umannö kaqkunaqa,
Israelchö respetashqa dirigeqkunam kayan,
y chupannö kaqkunanam engañakoq willakoqkuna kayan.+
16 Dirigeqninkunapa culpanmi nunakunaqa oqrakashqa puriyan
y manam imata rurayänampaq kaqtapis musyayantsu.
17 Mana allikunata rurayaptin, Teyta Diospa contran tikrayaptin
y imachöpis mana yanapakoqta parlayaptinmi,+
Teyta Jehoväqa kë markachö nunakunapa jövin wamrankunawan kushikuntsu,
y papäninnaq kaqkunata ni viudakunatapis manam llakipanqatsu.*
Mana cäsukoq kayaptinmi, Teyta Diospa cöleranqa pasashqaraqtsu,
18 Kashakunata y mana alli qorakunata*
nina ushaqnöran mana alli rurëkunaqa mirashqa,
y montichö llapanta rupaqnömi
qoyëpis o qoshnipis ciëluyaq chärinqa.
19 Angelkunata mandaq Teyta Jehoväpa cöleranqa,
nina imëkata ushareqnömi entëru markëkikunata ushakätsinqa.
Nunakunapis ninawanmi ushakäyanqa,
y manam ni pï wawqinllatapis kawëkaqta dejanqatsu.
20 Pillapis derëcha lädunchö këkaqta mikurpis mallaqëkanqallam,
y izquierda lädupa mikoq kaqpapis, manam pachan juntanqatsu.
Cada ünum kikinkunapa rikrankunata mikuyanqa.
21 Manasespa kastankunam Efrainpa kastankunata mikuyanqa
y Efrainpa kastankunam Manasespa kastankunata mikuyanqa.
Ishkankunam Judä nunakunata ushakätsita munayanqa.+