YAĈAKUNA 03
¿Bibliapiqa confiakayta puytinchikchu?
Bibliapiqa achka consejokunata, bendicionkunata ima tarinchikllapa. Yaĉanayanki kanqa imamantataq Bibliaqa yaĉachimanchik nir, pero ichapis Bibliapiqa manaraq masiawta confiakayankichu kanqa. Chaqa, unay may tiempo escribikasha katinmapis, ¿Biblia nishanpiqa confiakayta puytinchikchu? ¿Creeypaqchu kanan tiempopaq, shamuq tiempopaq ima Biblia niyashanpiqa? Achka runakunaqa allita chaypi creenllapa. Yaĉakuy imapaqtaq chaynu creenllapa nir, chaynumi qampis cuentata qukanki imapaqtaq Biblia nishanpi confiakaypaq nir.
1. ¿Tukuy Biblia nishanqa kabaltachu rurakaran?
Bibliapiqa ‘mana llulla rimaykunaqa kanchu’ (Eclesiastés 12:10). Tukuy Biblia niyashanqa kabaltami rurakaran. Biblia runakunamanta willamanchik chaykunaqa chiqapta kawsaranllapa (leey Lucas 1:3; 3:1, 2). Biblia tukuy ima pasashakunamanta rimarqa nin: Imataq pasaran, pitataq pasaran, maydiataq pasaran, maypitaq pasaran ima nir.
2. Kabal achka tiempoyjun katinmapis, ¿imapaqtaq Bibliapiqa confiakanchik?
Unaymanta Bibliaqa rimayaranna, runakuna chayraq yaĉashanmanta. Biblia yaĉachimanchik pitaq, imanutaq ima tukuy imakunata rurasha nir, runakuna ukmanta creeyatinllapamapis. Chaymi kanan tiempopiqa mas yaĉaq runakunaqa cuentata qukashallapa Bibliaqa mana pantanchu nir. Tukuy Biblia rimayashanqa kusala chiqap kanan tiempo, maydiyapis ima (Salmo 111:8).
3. ¿Imaraykutaq confiakaypaq Biblia shamuq tiempopaq rimayashanpi?
Unaymanta-pacha, Bibliaqa nimayaranchikna achka imakuna manaraq cumplikashakunamanta (Isaías 46:10). Bibliaqa niranpis achka imakuna pasanqa nir achka tiemporaq cumplikanapaq faltayatin. Tukuy imakunata kanan tiempo rikashanchik chaykunamantapis Bibliaqa rimayaranna. Kay yaĉakunapiqa yaĉakushunllapa unaymanta-pacha ayka imakunapaq Biblia niyashanta, yaĉakushunpis imanutaq Biblia niyashannu cumplikasha nir.
MAS INTRAKANAPAQ
Mas yaĉaq runakuna nishanta Biblia nishanwan compararqa, cuentata qukashunllapa chaylla nir. Yaĉakushunllapapis unaymanta-pacha Biblia niyashanqa imanutaq cumplikasha, imanutaq cumplikayan, imanutaq cumplikanqa nir ima.
4. Mas yaĉaq runakuna niyashanqa Biblia niyashannulla
Unay tiempomanta, kusala achka runakuna creeqllapa pachaqa ayka imakunapi sintikuyan nir. VIDEOTA rikayllapa.
3.500 añokunana pasasha libro Job shutiqpi Moisés pachapaq escribikushanqa. Leeyllapa Job 26:7, chaymantaqa kaykunamanta parlayllapa:
Pachaqa mana imapipis sintikuyanchu nir Bibliaqa niyan, ¿imatataq chayqa yarpuchishun?
Mas yaĉaq runakuna yaku imanu pachaman ĉamun nir, chayraq 200 añokuna pasasha katin allita intrachimaranchik. Biblia-shuypaqqa unay may tiempomanta-pacha kaymantami rimayaranna. Leeyllapa Job 36:27-28, chaymantaqa kaykunamanta parlayllapa:
Yaku imanutaq pachaman ĉamun nir yaĉarqa, ¿imatataq yarpunki?
Tukuy textokunata leeshaykiqa, ¿yanapashunchu mas Bibliapi confiakanaykipaq?
5. Bibliaqa niran imakunataq pasanqa nir
Leeyllapa Isaías 44:27-45:2, chaymantaqa kaykunamanta parlayllapa:
200 añokuna manaraq Babilonia puebloqa tukukayatin, ¿imataq Bibliaqa Babiloniamanta niran?
539 añupi manaraq Jesús pachaman ĉamuyatin, uk mandakuq Ciro shutiq Persia nacionmanta soldadonkunawan Babilonia puebloman yaykuranllapa. Naypaqtaqa uk río Babiloniapa ĉawpinta pasaqta tikrar chakichiranllapa. Punkukuna kiĉalla katin mana maqanakurchu yaykuranllapa Babiloniamanqa. 2.500 añokunana pasasha, pero imanutaq mandakuq Ciro soldadonkunawan tukchiran chaynulla Babiloniaqa, mana pipis chaypi kawsanllapanachu. Kananmi rikay ima nirantaq Bibliaqa Babiloniamanta.
Leeyllapa Isaías 13:19-20, chaymantaqa kaykunamanta parlayllapa:
¿Imanutaq kayqa cumplikaran?
Babiloniaqa kaynu quedasha, Irak nacionpi
6. Bibliaqa niran imatataq kay tiempopiqa rikashun nir
Bibliaqa nin tukukana diakunapi kawsayanchik nir (2 Timoteo 3:1 TNM). Yaĉakuy imakunataq pasanqa kay tiempopiqa nir.
Leeyllapa Mateo 24:6-7, chaymantaqa kaykunamanta parlayllapa:
¿Imataq niran Bibliaqa tukukana diakunamanta?
Leeyllapa 2 Timoteo 3:1-5, chaymantaqa kaykunamanta parlayllapa:
Biblia nishannulla, ¿imanutaq runakunaqa tukuyanllapa kay tukukana diakunapiqa?
Imanu runakuna tukuyan nir leeshaykimantaqa, ¿mayqanninkunatataq kay tiempopiqa rikayanki?
WAKINKUNAQA KAYNU YARPUNLLAPA: “Tukuy Bibliapi tarishanchikqa cuento yupay, mana chiqapchu”.
Kay yaĉakunapi yaĉakushaykimantaqa, ¿imataq yanapashunqa allita Bibliapi confiakanaykipaq?
¿IMATATAQ YAĈAKURANCHIK?
Mas yaĉaq runakuna niyashan, unay tiempo tukuy imakuna pasashakuna, tukuy Dios Bibliapi nishan cumplikashakuna ima, yanapamanchik Bibliapi allita confiakanapaq.
Yarpushun
¿Tukuy Biblia nishanqa chiqapchu manaqachu cuentota chaypiqa tarinchik?
¿Imanutaq yaĉanchik mas yaĉaq runakuna niyashanqa Biblia nishannu nir?
¿Bibliaqa shamuq tiempopaq rimayanqachu? ¿Imapaqtaq chaynu yarpunki?
MAS YAĈAKUNAYKIPAQ
Mas yaĉaq runakuna cuentata qukashanqa Biblia nishanwan, ¿chayllachu kasha?
“¿Concuerda la Biblia con lo que ha descubierto la ciencia?” (Artículo de jw.org)
¿Imanutaq yaĉanchik tukukana diakunapi kawsayanchik nir?
“Seis profecías bíblicas en pleno cumplimiento” (La Atalaya, 1 de mayo de 2011)
Yaĉakuy imanutaq Biblia Grecia nacionpaq nishan cumplikashana.
Rikay imanutaq unay tiempo Biblia niyashan cumplikashanqa uk runata yanaparan Bibliapi confiakananpaq.