Mana apurado, normalta parlai

¿Felipeca imatataj rurarca?

VIDEO: Felipeca shuj eunuco runamanmi predicarca

1. VIDEOTA ricui. Mana cashpaca Hechos 8:​30, 31-ta liyipai. Qꞌuipaca cai catij tapuicunapi yuyai:

1. ¿Felipeca imata nishpataj parlai callarirca?

2. Felipeca eunuco runa imata ruracushcata ricushpami normalta, mana apurado parlai callarirca. ¿Chashna parlai callarinaca imamantataj alli carca?

¿Felipepaj ejemplomantaca imatataj yachanchij?

2. Gentecuna alli sintirichunmi mana apurado, normalta parlanacushpalla catina canchij. Chashnami tal vez Bibliamanta alli uyangacuna.

Felipe shina rurai

3. Alli ricui. Huasiyuj ima shina cashcata, paipaj ñahuitapish ricui. Chaita ricushpami parlasha nishcata o mana parlasha nishcata cuentata cungui. Bibliamanta huillai callaringapajca shuj uchilla tapuitami rurai tucungui. Por ejemplo, “¿Yaya Dios cambaj llaquicunamanta preocuparij cashcata yachanguichu?” nishpami tapui tucungui. Pero huasiyuj mana parlasha nijpica saquinallami cangui.

4. Pacienciata ricuchi. Chai rato Bibliamanta yachachinata ama yuyai. Chaipaj randica huasiyuj tranquilo, alli sintirichunmi parlanacushpalla catina cangui. Shuj oportunidad tiyajpica Bibliamantami yachachi tucungui. Mana cashpaca shujtaj punlla huasiyujhuan parlanacushpami Bibliamanta yachachi tucungui.

5. Huasiyuj ima minishtishcata yachachingapaj listo cai. Maipica shuj temamanta predicangapajmi allichiringui. Shinapish huasiyuj imallamanta preocuparishcata cuentata cushpami chaimanta yachachina cangui.