¿Chaymantaña ruranaykipaqchu saqechkanki?
¿Imamantataq rimachkanchik? Consentimiento Informado para la Atención Médica (CIAM) nisqa tarjetata huntanamantam, kay tarjetaqa Jehová Diospa Testigonkunapam kan. Manam yachanchikchu ‘paqarin punchaw imam pasaruwananchiktaqa’, chaymi allinpuni kanman manaraq imapas pasawaptinchik ñawpaqmantaraq allinta tanteaspa doctorkuna imayna operawananchikmanta qellqayqa (Sant. 4:14; Hech. 15:28, 29). Chaypaqmi allinta yanapawasun Asistencia médica sin transfusiones. Necesidades y derechos del paciente nisqa video. Puntata qaway hinaspa oracionta ruraspa qatiqnin tapukuykunawan yanapachikuspa entiendesqaykita musyakuy. (Kay videopiqa qawakunmi doctorkunapa imayna operasqanku, chaymi tayta-mamakunaqa tanteananku sichu warmankuwan qawanankumanta.)
1) ¿Imanasqataq wakin doctorkuna kaqmanta estudiachkanku yawar churachikuymanta? 2) Willay 3 ejemplokunata yawarta mana servichikuspalla sasa operacionkuna rurasqankumanta. 3) ¿Hayka doctorkunataq yawarta mana churaspalla operayta munanku? ¿Imanasqam chayna rurayta munanku? 4) ¿Imatam chayraq yacharunku yawar churasqankumanta achka hospitalkunapi estudiaspanku? 5) ¿Ima sasachakuykunataq kanman onqoqman yawarta churaptinku? 6) ¿Imatam musyakurunku doctorkuna yawarpa rantinpi allin yanapakuykunawan servichikuymanta? 7) ¿Imanasqataq anemia onqoy hapikun? ¿Hayka yawartaq cuerponchikpi kanman mana yawarllawan operanankupaq? ¿Imatam doctorkuna ruranmanku yanapanankupaq? 8) ¿Imaynatam doctorkuna yawarta (glóbulos rojos) achkayachinmanku? 9) ¿Imakunataq yanapanman operachkaptinku yawar mana usunanpaq? 10) ¿Allinchu kanman chay yanapakuykuna warmachakunapaq otaq pipas chaylla operanata necesitaptin? 11) ¿Imatam doctorkuna respetananku allinta atiendenankupaq? 12) ¿Imanasqataq cristianokunaqa ñawpaqmantaraq ninanchik mana yawarwan hampichikuy munasqanchikta? ¿Imaynatam rurachwan?
Sapakama cristianom Bibliapa yachachisqanman hina akllakunan kay videopi rikusqanta mayqan yanapakuyta chaskinanpaq. ¿Ñachu tanteakurunkiña mayqan yanapakuytam kikiki hinaspa churikikunapas chaskinankupaq, ñachu CIAM tarjetatapas huntarunkiña? Kallpanchaykikum ‘Diospa kuyakuynin’ libropa 7 yachachikuyninkunata qawanaykipaq. Qawaytaq noviembre 2006 watapi Diospaq Llamkayninchik qellqapa 3-6 paginankunapi yachachikuyta. Chaymantapas CIAM tarjetapi tanteasqaykikuna allin huntasqa kasqanta qaway. Mana iñiq aylluykikunapas, rantiykipi rimaqkunapas allintam yachananku imanasqa chayna tanteasqaykita.
[3 kaq paginapi recuadro]
• ¿Ñachu tanteakurunkiña mayqan yanapakuytam kikiki hinaspa churikikunapas chaskinankupaq?
• Qonqaymantam imapas pasasunkiman, chaynaqa ¿sapa kutichu CIAM tarjetaykita apanki?