Llapan runakunapaq revistakuna
1. ¿Imaynatam allin yuyayniyoq confianza sirvienteqa apostol Pablota qatipakun?
1 Imaynam apostol Pablopas sumaq noticiakunamanta willakurqa, tukuy rikchaq runakuna ‘salvakunankupaq’, chaynataqmi allin yuyayniyoq confianza sirvientepas revistakunata servichikun imaymana piensaq, imaymana kawsaq runakunapa sonqonman chayanankupaq (1 Cor. 9:22, 23). Llaqta Cuidaq hinaspa ¡Despertad!, revistakunata allinta servichikunapaqmi yuyaymanana imayna runakunapaq rurasqa kasqanpi.
2. ¿Imayna runakunapaqmi ¡Despertad! revistaqa?
2 ¡Despertad! revistaqa apostol Pablopa ‘Atenas llaqtapi’ predicasqan runakunapaq hinam (Hech. 17:22). Chay runakunaqa manam yacharqakuchu Cristomanta, manataqmi yacharqakuchu Bibliapa nisqanmantapas. Chaynataqmi ¡Despertad! revistapas Bibliamanta mana yachaq runakunapaq. Paykunaqa ichapas Cristomantaqa mana yachankuchu, manataq mayqen religionpipas interesakunkuchu otaq mana yachankuchu Bibliaqa allinninpaq kasqantapas. Kay revistaqa cheqap Dios kasqanmanta runakunata convencechinanpaqmi rurasqa kachkan. Yanapantaqmi Bibliapa yachachisqanman hina iñiyninkuta kallpanchananpaq hinaspapas qawachintaqmi Jehová Diospa testigonkunaqa mana wakin religionkuna hina kasqantapas.
3. ¿Pikunapaq rurasqataq kachkan Llaqta Cuidaq revistakuna?
3 Llaqta Cuidaq. Predicanapaq Llaqta Cuidaq revistañataqmi apostol Pablopa: ‘Diosta manchakuqkunapaq’, nisqan runakunapaq hina, Diospi hinaspa palabranpi creeqkunapaq (Hech. 13:14-16). Paykunaqa Bibliapa wakin yachachikuynintam yachanku ichaqa manam allintachu entiendenku. Congregacionpi estudianapaq Llaqta Cuidaq revistañataqmi testigokunallapaq. Apostol Pablom cartakunata qellqarqa Bibliamanta hinaspa Diosmanta allinta yachaqkunaman (1 Cor. 1:1, 2). Chaynallataqmi estudianapaq Llaqta Cuidaq revistapas rurasqa kachkan huñunakuyman hamuqkunapaq hinaspa chaypi rimaykunata entiendeqkunapaq.
4. ¿Imanasqam predicanapaqqa sapa chaskisqanchik revistakunata leenanchik?
4 ¡Despertad! revistatawan Llaqta Cuidaq revistata predicacionpi saqespapas, hukninpa imam yachachisqallanmantam rimanchik. Chaymi imakunamanta yachachisqanta yachanapaq sapa chaskisqanchikta leenapaq kallpanchakuna. Chayta ruraspam uyariwaqninchikkunapa munasqanman hina willasun.