Qonqaytam imapas pasaruwachwan, ¿chaypaq preparasqachu kachkanchik?
Qonqayllamantam imawanpas onqoruchwan otaq imapas pasaruwachwan (Sant. 4:14). Chayna pasaptin imata rurananpaqmi tanteoyoq runaqa tiempowan preparakun (Pro. 22:3). ¿Tantearunkiñachu ima hampikunatawan yanapakuykunata chaskinaykipaq? ¿Qellqarunkiñachu? Chaymanta tanteakunaykipaqmi kachkan Asistencia médica sin transfusiones. Necesidades y derechos del paciente sutiyoq video. Kay videoqa Alternativas a las transfusiones. Serie documental DVD nisqapa iskay kaq partenmi. Qawasqaykiman hina, qatiqninpi kaq tapukuykunata kutichiy. Kay videopiqa qawakunmi doctorkunapa imayna operasqanku, chaymi tayta-mamakunaqa allinta tanteananku warmachankuwan qawaspankuqa.
1) ¿Imanasqataq wakin doctorkuna kaqmanta tanteachkanku imaynanpi yawar churasqankumanta? 2) Willay 3 ejemplokunata yawarta mana servichikuspalla sasa operacionkuna rurasqankumanta. 3) ¿Imanasqam waranqantin doctorkuna yawarta mana churaspalla operayta munachkanku? 4) ¿Imatam yacharunku yawar churasqankumanta achka hospitalkunapi chayraq estudiaspanku? 5) ¿Ima sasachakuykunataq kanman onqoqman yawarta churaptinku? 6) ¿Imatam achka doctorkuna musyarunku yawarpa rantinpi allin yanapakuykuna servichikuymanta? 7) ¿Imanasqataq anemia onqoy hapikun? ¿Imatam doctorkuna ruranmanku yanapanankupaq? 8) ¿Imaynatam doctorkuna yawarta pukayachiqkunata otaq glóbulos rojos nisqata achkayachinmanku? 9) ¿Imakunataq yanapanman operachkaptinku yawar mana usunanpaq? 10) ¿Allinchu kanman chay yanapakuykuna warmachakunapaq otaq pipas chaylla operanata necesitaptin? 11) ¿Imatam doctorkuna respetananku allinta atiendenankupaq?
Kay videopi rikurimuq yanapakuykunata otaq hampikunata chaskinaykipaqqa kikikim tanteakunayki, ichaqa mayqenkunata chaskinaykipaq otaq mana chaskinaykipaqpas ama suyaychu imapas kanantaraqqa. Allinta tanteanaykipaqmi ‘Diospa kuyakuynin’ nisqa libropa 7 kaq capitulonpiwan chaypi rikuriq yachachikuykuna yanapasunki, yanapasunkitaqmi 2006 noviembre killapaq Reinopaq Servicionchik qellqapa 3-6 paginankunapi yachachikuykunapas. Chaymantapas, bautizasqa kaspaqa tanteasqaykikunata CIAM tarjetapi allinta huntachiy hinaspa apay sapa punchaw mayta rispaykipas.