Runamasinchikta yanapaptinchikqa Diospas yanapaykuwasunmi

Achka runakunam enteron pachapi ñakarillanku wasinku hinaspa mikuyninku mana kasqanrayku. Chaymi paykunaqa munanku pipas yanapaykunankuta. ¿Imaynatam paykunataqa yanapaykuchwan chaynapi Diospas yanapaykuwananchikpaq?

¿IMATAM BIBLIA NIN YANAPAKUQ KANAMANTA?

Bibliam nin: ‘Wakchaman prestaspaqa tayta Diosmanmi prestachkan, chay qusqantaqa tayta Diosmi kutichipunqa’, nispa (PROVERBIOS 19:17).

¿IMAYNATAM RUNAMASINCHIKKUNATA YANAPAYKUCHWAN?

Jesusmi huk kutipi willakurqa huk runata suwakuna suwaruspanku wañuy patanpiña saqirusqankumanta (Lucas 10:29-37). Willarqataqmi chay runata huk lawmanta hamuq runa tukuy imapi yanapasqanmanta.

Chay yanapaqnin runaqa allinyanankamam yanapaykurqa.

¿Imatam Jesuspa willakusqanmanta yachachwan? Jesusqa yachachiwachkarqanchikmi tukuyta ruwaspa runamasinchikkunata yanapanapaq (Proverbios 14:31). Bibliam niwanchik manapas unaymanta wakchayay hinaspa ñakariykuna tukunanmanta. Chayqa, ¿haykapitaq kanqa? Chaymantayá qatiqninpi yachachkasunchik.