Yachachikuykunamanta entiendechinapaq

ALLIN leeqqa manam leesqallantachu entienden. Leenanpaq kaqta llapanta leesqanpim aswan allinnin kaq yachachikuykunamanta entienden, chaymi entiendechinapaq kaq palabrakunata tupasqanman hina kallpawan leen.

Chaynata mana leeptinqa aswan allinnin kaq yachachikuykunaqa manam sutillachu kanqa, chaymantapas manapaschá llapantachu chay yachachikuykunamantaqa yuyanqaku.

Aswan allinnin kaq yachachikuykunata sutillata qawachisqam leesqanchikqa clarota entiendekunqa: Bibliapa nisqanmanta willaptinchik, estudiota qoptinchik otaq huñunakuypi leeptinchikpas. Kimsa punchawpaq asambleapi leespalla discurso qonapaq tupawaptinchikpas chaynata leesqam allinta yanapawasun.

Imaynatam rurana. Bibliapa mayqen textontapas escuelapi leenaykipaq kaptinqa, ¿imatataq sutillata qawachinayki? Aswan allinnin kaq yachachikuyninkunatam, chaytam kallpawan leenayki.

Bibliapi mayqen yachachikuymanta otaq ima yachachikuymantapas allinta leeptinchikqa uyariwaqninchikkunam entiendenqaku (2 Tim. 3:16, 17). Chaypaqqa reparanaykim Bibliapa texton ima nisqanpi chaynataq leesqayki pikunapaq kasqanpipas.

Huñunakuypi otaq estudiota qospa mayqen kaq qellqapa parrafonkunatapas kallpawan leenayki kaptinqa, ¿mayqenkunataq kanman chay leesqayki parrafopi aswan allinnin kaq yachachikuyninkuna? Chay tapukuykunapa kutichiyninkunam. Subtitulonwan tupaq yachachikuykunatam kallpawan rimanayki.

Discurso qosqanchikpi rimanapaq qellqasqanchikkunata leeyqa manam allinchu kanman, kimsa punchawpaq asambleanchikpim ichaqa wakin discursokunata leenku huklawkunapipas chayna asambleakunapi hina kaqllata uyarinankupaq. Leespalla discursota qonayki kaptinqa allintam preparakunayki enteron yachachikuypi aswan allinnin kaq yachachikuyninkunamanta sutillata entiendechinaykipaq. ¿Mayqenkunataq aswan allinnin kaq yachachikuyninkunaqa? Chaykunamantam discursaqqa sutillata yachanan. Bosquejopa nisqanman hinam aswan allinnin kaq yachachikuykunataqa akllanan, manam tanteasqanman hinallachu. Leenapaq kaq bosquejopiqa wakinpim qallarin imamantapas willaspan, ichaqa yaqa llapanpim yuyaymananapaq kaqkunamanta yachachin. Bosquejopi aswan allin kaq yachachikuykunaqa manam achkachu, tawallam otaq pichqallam; chaykunatam señalanayki. Chaymanta achka kutikama leey aswan allinnin kaq yachachikuyninkuna sutilla uyarikunankama. Entiendekunanpaq hina leeptikiqa yachachisqaykitam uyarisuqnikikuna mana qonqanqakuchu. Chaynata ruranankupaqmi discurso qoqkunaqa llapanku kallpanchakunanku.

Aswan allinnin kaq yachachikuykunamantam entiendechichwan kusisqa otaq tukuy sonqowan leespa, tupasqanman hina entiendechinapaq kaq palabrapi kallpawan rimaspa chaynataq makinchikwan otaq uyanchikwan yanapachikuspapas.