Negocio rurana sitiokunapi predicaspa
1 ¿Imanasqam predicana negocio rurana sitiokunapi?
1 ¿Munawaqchu predicayta lliw runa uyarisuptiki? ¿Predicanayki sitiopi runakunata tariwaqpuni chaypas? Congregacionnikipa predicasqan sitiopim chayta rurawaq. ¿Imaynata? Negocio rurana sitiokunata visitaspa. Negociokunapi predicaq publicadorkunaqa tarinkum interesakuqkunata.
2 ¿Imaynatam predicana negocio rurana sitiokunapi?
2 Wakin congregacionkunapa predicananpaq asignasqa sitiokunaqa negocio ruranakunam. Predicanapaq encargasqa hermanom tarjetakunata ruranan chay territoriomanta. Wasikuna predicanapaq tarjeta rurasqankupi negociokuna kaptinqa willanankum mana visitanankupaq. Mayninpiqa, wasikunapas negociokunapas huk territoriollapim kanman. Sichu mana haykapipas negociokunapi predicarqankichu hinaspaqa, qallariy uchuy tiendakunapi.
3 ¿Imam yanapawasun tiendakunapi allinta predicananchikpaq?
3 Entiendenapaq hina qallariy. Tiendakunapi predicanaykipaqqa, Salón del Reinoman rinaykipaq hina pachakuy. Chaymantapas yachanaykim imay horapi tiempoyoq kasqankuta. Rantiqkunapa mana kasqan horapi yaykuy. Ñawpaqtaqa encargadowan chikallanta rimay. ¿Ima niwaqmi?
4-6 ¿Imanichwanmi tiendapi dueñota otaq encargadotapas?
4 Dueñowan otaq encargadowan rimaspaqa, kaytam niwaq: “Negociantekunaqa nisyu ocupasqam kankichik chaymi wasikichikpiqa mana tarikunkichikchu, chayraykum negocioykichikpi visitamuniku. Kay revistaykum willachkan mundontinpi imaymanapa sucedesqan imapi tukunanmanta”, nispa. Chaymanta asllapi willay revistapi huk puntota.
5 Kaytam nillawaqtaq: “Achka runam munanku Bibliamanta yachayta, pisi tiempollayoqmi ichaqa kanku. Kay tratadom willan Bibliata gratis estudiaspa Bibliamanta tapukusqaykikuna kutichisqa kananta”, nispa. Chaymanta rikuchiy ¿Le gustaría saber más de la Biblia? tratadota 4, 5 paginakunapi
6 Encargado ocupasqa kaptinqa, tratadota ofrecey kayta nispa: “Huk kitipiña hamusaq mana ruranayoq kaptiki. Chaypiña kay tratadomanta rimasun”, nispa.
7 ¿Imaynatam masta interesachichwan negocio rurana sitiopi runakunata?
7 Masta interesachiy. Negocio rurana sitiokunapipas Bibliataqa estudiachichwanmi. Huk precursor especialmi negocianteman sapa kutin revistata saqesqa. Leespa interesakuptinmi precursorqa ¿Imatan Dios munan ñoqanchismanta? folletowan Bibliata imayna estudianata rikuchisqa. Negocio rurasqanpim estudiayta qallarisqaku, atisqanman hinam 10 otaq 15 minutota precursorqa estudiachisqa. Pay hina ñoqanchikpas negociokunapi predicaspa mereceqkunata maskasunchik.