Mana manchakuspa predicasun negociokunapi
1. ¿Imanasqam mana hukmanyananchikchu negociokunapi predicanapaq manchakuspaqa?
1 ¿Manchakunkichu negociokunapi predicayta? Chayna kaptinqa ama llakikuychu, hukkunapas manchakunkum. Apostol Pablopas mana manchakuspa predicaq kachkaspanpas wakinpim valorchakunan karqa predicananpaq (1 Tes. 2:2). Qatiqninpim qawasunchik negociokunapi predicanapaq kimsa tapukuykunamanta, qawasuntaqmi imakuna yanapawananchikmantapas.
2. ¿Imanasqataq mana piensananchikchu predicaptinchik llamkapakuqkuna piñakunankumantaqa?
2 ¿Sasachasqaytachu piensanqaku llamkapakuqkuna? Achka negociokunapiqa llamkapakuqkunam ima rurasqankutapas saqespanku chayman yaykuqkunata atiendenanku. Yaqa llapanpim rantinaykita piensasqanrayku respetowan uyarisunki. Allin pachasqa riptikiqa hinaspa kuyakuywan rimaptikiqa paypas respetasunkichá.
3. ¿Imatam rurananchik negocioman yaykuqkunata mana sasachanapaq?
3 ¿Achka rantiqkunapa qayllanpichu predicasaq? Allinmi kanman rantiqkunapa mana ancha kasqan horapi predicayninchikqa. Negociomanta cuentallikuq otaq llamkapakuq sapallan kaptinña asuykuy hinaspa ama unaytaqa rimaychu.
4. ¿Imatam niwaq negociokunapi predicaspaykiqa?
4 ¿Imatam niyman? Achka llamkapakuqkuna kaptinqa, negociopi cuentallikuqwan puntata rimay. Ichapas kaynata niwaq: “Yaqa llapanpim negociopi llamkaqkunataqa mana tarinikuchu wasinkupiqa, chayraykum llamkayninkupi watukuniku. Achka rurayniyoq kasqaykiraykum mana unaytachu rimasaq”, nispa. Imapas rantikuqwan (vendeqwan) mana pantawananchikpaqmi wakinpiqa allin kanman qellqanchikkuna ima qollqewan rurakusqanmanta mana rimariyninchikqa, nichwanqa tapuwaptillanchikmi. Predicasqayki negociopi ima rantikusqankuman hinam, cuentallikuqta tapuwaq llamkapakuqkunawan pisillapi rimanaykipaq. Paykunamanpas negociopi cuentallikuqman nisqaykita hinalla rimariy. Mayqen llamkapakuqpas llumpay rurayniyoq kaptinqa, pisillata rimarispayki tratadota qoykuy. Manaña piwanpas rimayta atispaqa, samarina sitiopi otaq huklawpipas qellqanchikkunata saqenaykipaq tapuy.
5. ¿Imakunam kallpanchawanchik negociokunapi predicananchikpaq?
5 Jesuswan Pablopas valorwanmi predicarqaku runakunapa llamkasqanku lawpi, qampas atiwaqmi chay ruraytaqa (Mat. 4:18-21; 9:9; Hech. 17:17). Jehová Diosta mañakuy hawkayachisunaykipaq chaynataq kallpanchasunaykipaqpas (Hech. 4:29). Negociokunapi predicayqa ancha allinpunim, yaqa llapanpim runakunata tarinki. ¿Manachu qampas chayta rurawaq?