¿Yanapanchikmanchu?
1 Jehovaqa munanmi tukuy sonqowan serviqninkuna yanapayta (2 Cró. 16:9; Isa. 41:10, 13). Kuyakuywan michiqmanmi Isaiasqa rikchanachirqa kayta nispa: “Uñachankunatam brazonpi hoqarinqa. Marqayninpim paykunata apaykachanqa. Uña wawaqoq ovejakunatam allillamanta pusanqa”, nispa (Isa. 40:11). Qawarisun runakunapi kuyakuywan Jehovapa interesakusqanta hinaspa kallpachakusun pay hina kananchikpaq.
2 Mosoqkunata yanapasun. Espiritual yachaykunapi wiñanankupaqmi mosoqkunata yanapanchikman wasinchikman invitaspa (Pro. 13:20). Huk hermanom willan congregacionwan huñunakuyta qallarichkaptin imayna yanapasqankuta, kayta nispa: “Mayninpiqa, huk familiam wasinman qayariwaq familiantin Bibliata estudiaptinku. Espiritualpi wiñachkaptiymi, warmi qari precursorkuna, invitawaqku paykunawan kuska tukuy punchaw predicanaypaq. Anchatam kusikuq kaniku espiritualkunamanta rimasqaykuwan. Manaraq cristiano kachkaspaqa, kusikuyta maskaspam wasiymanta lloqsiq kani viernes tardenpas, sábado tardenpas. Chaymantam ichaqa wawqe panikunawan huñunakuspa manaña maskanichu huk runakunata”, nispa. Congregacionpi wawqe panikunapa kuyakuywan interesakusqanmi kay wawqeta yanapan iñiyninpi qaqa takyananpaq, kunanqa Betelpim Jehovata servichkan (Col. 2:6, 7).
3 Yanapanakusun. Musyanchikpaschá sasa problemakunapi tarikuspa wawqe paninchikkunapa yanapana necesitasqanta. ¿Atinchikmanchu onqosqa wawqe paniwan telefonopi predicayta? ¿Pusanchikmanchu estudianteta onqosqa wawqe panipa wasinman estudionchikpi yanapawananchikpaq? ¿Yanapanchikmanchu wawa cuidayta papanpas mamanpas predicaq rinankama? ¿Yanapanchikmanchu manchate wawqe paninchikkunata revisita ruraypi, estudio qoypi [forma] , otaq predicacionpipas? Kuyakuywan paykunapi interesakuymi kallpachawasun espiritualpi wiñanankupaq yanapaypi (Rom. 14:19).
4 Jehová Dios hina ñoqanchikpas wawqe paninchikkunapi kuyakuywan interesakusun hinaspaqa kallpachanakusunmi, yanapasunmi kuyakuypi congregacionpa hukllachakunanpaq, hatunchasuntaq Hanaq pachapi Taytanchiktapas (Efe. 4:16).