Imaynatam servichikuna Sírvase visitar (S-43) nisqa formulariota
Kay formulariopim qellqananchik Bibliamanta yachay munaqta: predicasqanchik lawmanta huklawpi wasin kaptinqa otaq huk idiomata rimaptinqa. Ñawpaqtaqa chaypim qellqaq kanchik huk idioma rimaq runapa sutinta Diosmanta mana yachayta munaptinpas, kunanqa yachay munaqkunallapatam chaypi qellqanchik. Sichum mana uyarisqanrayku señasllawan parlaq kaptinqa, chay formulariopim (S-43) qellqananchik yachayta munaptin otaq mana munaptinpas.
¿Imatam rurananchik chay formulariopi qellqaruspaqa? Congregacionpi secretariomanmi qonanchik. Mayqen congregacionman apachinanta yachaspaqa, payñam chay congregacionpi ancianokunaman apachinqa yachay munaqta atiendenankupaq, mana yachaspaqa Betel wasimanmi apachinqa.
Sichum predicasqayki lawpi huk idioma rimaq runa, Bibliamanta yachayta munaptinqa, hinallam yanapananchik paypa idioman rimaq Testigo watukunankama (qaway Diospaq Llamkayninchik 2011/09 pág. 4).