Sapa kutita revistakunata saqespa uyarinankupaq servichikusunchik
1. ¿Imaynatam sapa kutipi revistakunata saqespa yanapachwan uyarinankupaq?
1 Achka runakunam predicasqanchikta allinta uyariwanchik hinaspa revistanchikkunata leenku, Biblia estudiayta ichaqa mana munankuchu. Sapa kutipi revistakunata saqespam runakunataqa uyarinankupaq yanapachwan. Revistakunata saqespaqa qellqay runapa sutinta, maypi tiyasqanta, haykapi aypusqaykita, mayqan revistakunata saqesqaykita, Bibliapi ima textota leesqaykita hinaspa imapi interesakusqanta. Revistakuna apasqayki runakuna imamanta yachayta munasqankuman hina, maskay mosoq revistakunapi hinaspa kaqllata watukuspa chayta qawachiy (1 Cor. 9:19-23). Yaqapaschá ima leesqankupipas tarinqaku interesasqanta hinaspa astawan yachayta munanqaku.
2. ¿Imanasqataq hikutakuspa runakuna Jehová Diosta maskananku, hinaspaqa imatawanmi rurananchik yanapananchikpaq?
2 Paykunallamanta revistakunata leespaqa manam Jehová Diospa serviqninmanña tikrakunqakuchu. Utqayta Jehová Diosta llapa runa maskananku kaptin, ¿imatawanmi rurananchik yanapananchikpaq? (Sof. 2:2, 3; Apo. 14:6, 7.) Sapa kutipi revistakunata apaspa, Bibliapi akllaspa textota leeykapuspa interesachichwanmi.
3. a) ¿Imaynatam preparakuchwan Bibliapi huk textomanta rimanapaq? b) ¿Imakunamantam masta yachayta munanku predicasqayki runakunaqa?
3 Bibliapi huk textomanta rimanapaq. Sapa kutipi revista chaskiqkunapa necesitasqankupi yuyaymanay, chay hinaman Bibliapi huk textomanta preparakuy chaywan yanapanaykipaq (Fili. 2:4). Chayllaraq kuyasqan runamasin wañuruptinqa, watukullay hinallata, hinaspa yachachiwaq Biblia wañuqkunamanta nisqanta hinaspa kawsarimunanpaq suyakuymantapas. Razonamiento libropim “Muerte” hinaspa “Resurrección” nisqapi masta willakuchkan rimanaykipaq. Chaymantaqa willawaqmi imaynatam Dios chinkachinqa onqoyta, machuyayta hinaspa wañuyta. Chayta ruranaykipaq musyariy imamantam yachayta munanman hinaspa qawachiy allillamanta imatam nin Biblia chaymanta.
4. ¿Imanasqataq allinta entiendechina Bibliapi textokuna leesqanchikta, hinaspa imaynatam chayta ruranchikman?
4 Yanapay entiendenankupaq. Asllata, mana sasa entiendena rimaptinchikpas, manam leenallachu akllasqanchik textotaqa. Satanasmi runakunapa yuyayninta tutayachichkan allin willaykunata mana entiendenankupaq (2 Cor. 4:3, 4). Bibliamanta yachaqkunatapas astawanmi yanapana entiendenankupaq (Hech. 8:30, 31). Ejemplokunata churaspa yachachiy Bibliapi textokuna leesqaykita, Escuela del Ministerio Teocraticopaq rurasqaykiman hina (Hech. 17:3). Qawachiypuni, Diospa Palabranta yachayqa allinpuni kawsayninpaq kasqanta.
5. ¿Imaynatam sapa kutipi revista chaskiqkuna Biblia estudiaqman tikrakunmanku?
5 Yachasqanmanta runa kusikuptinqa, allillamanta astawan parlaychik, iskay otaq kimsa textokunata sapa kutisqaykipi qawachinaykipaq. Alli-allimanta qawachiy ¿Imatam Dios munan ñoqanchikmanta?, nisqa folletota otaq Conocimiento librotapas. Chaynapim sapa kutipi revistakuna chaskiqkunapas, Biblia estudiaqmanña tikrakunmanku.