Allinta yanapanapaq: qillqanchikkuna leeqkunata kallpanchay

Imanasqam ancha allin. Achka runakunam qillqanchikkuna leeyta munanku, ichaqa manam Biblia estudiaytaqa munankuchu, ichapas religionniyuq kasqankurayku utaq mana tiempoyuq kasqankurayku. Chayna kaptinpas, qillqanchik leesqankuraykum Diosmanta yachayta qallaykunmanku (1 Ped. 2:2). Ichapas huk kaqnin yachachikuy sunqunman chayanman. Pisillapi watukuspapas yachasunmi imamanta yachay munasqanta hinaspa ima llakichisqanta, chaynapim amistadninpaq hinaña hapiwasun. Ichapas tiempopa risqanman hina Biblia estudiayta qallaykunman.

Imayna ruwanamanta:

Apay chayllaraq lluqsimuq Willakuq hinaspa ¡Rikchariy! qillqanchikkunata. Killapa huk kaqnin punchawninpim watukuwaq, saqisqayki qillqamanta parlarinaykichikpaq utaq chay killapi aypusqanchik qillqata qunaykipaqpas. Ichaqa watukusqaykimantam qillqanayki (qaway enero 2014 Diospaq Llamkayninchik 3 paginanta).
Watukuspaqa yachanaykiñam imamanta rimanaykita. Qillqanchikta quylla-qunaykimantaqa amistadnikiwan hina parlariy. Chaynapim Diosmanta astawan yachayta munanqa.
Bibliamanta yachachinaykipaq kallpanchakuy. Sichum watukusqayki runa Bibliamanta tapukuptinqa chaywan tupaq ima qillqanchiktapas apay, chaymanta rimanaykichikpaq. Manaraq pasakuchkaspayki chay rimasqaykichikmanta huk tapukuyta saqiy chaymanta yapapi rimanaykichikpaq. Chay runawan sapa kuti Bibliata utaq huk qillqanchikta servichikuspa rimaspanchikqa ñam estudiota qallarichkanchikña. ¿Saqirqankiñachu Allin noticiakuna niq qillqanchikta hinaspa willarqankiñachu imaynatam pisi minutollapi Biblia estudiaymanta? Qawachiwaqtaqmi ¿Imanasqataq Bibliata estudiana?, ¿Imaynatam Bibliamanta yachachiniku? niq videokunatapas. Ñawpaqpi Bibliata mana estudiayta munaptinpas, ichapas kunanqa imapas pasasqanrayku estudiayta munanman. ¿Yaqachu kaqmanta Biblia estudiananpaq munachiwaq?

Killantin kayta ruway:

Pikunaman sapa killa qillqanchikkunata apanaykipaq qillqay. Chayllaraq lluqsimuq qillqanchikkunata apay hinaspa niy wakin lluqsimuqkunatapas apanaykimanta.