¡Kunanmi predicananpaq tiempoqa!
1. ¿Imanasqataq kunanqa predicananchikpaq tiempoqa?
1 “Diostayá manchakuywan alabaychik”. Kay willakuyqa angelkunapa yanapayninwan willakuchkan “llapallan nacionkunaman, ayllukunaman, tukuy rikchaq rimayniyoqkunaman hinaspa llapallan runakunaman”. ¿Imanasqa? Diospa “juzganan horam chayaramunña”. Ñam chay ‘juzganan horapi’ yachachkanchikmi, chay horaqa tukunqapuni kay pachapi mana allin kaqkuna tukuruptin, chayrayku ancha allinmi llapallan runakuna ‘cielokunatapas kay pachatapas, lamar qochatapas hinaspa pukyukunatapas unanchaqtayá adoranankuqa’. Manam ima ruraypas aswan allin nitaq aswan utqaylla rurakunanpaq kanmanchu “wiñaypaq kaq allin noticiata” willakuymantaqa. Arí, ¡kunanmi predicananchikpaq tiempoqa! (Apo. 14: 6, 7.)
2. ¿Imaynatam Jehová Diospa siervonkuna qawachichkanku kay tiempo juzganan hora kasqanta musyakusqankuta?
2 Ñawpa chunka watakunapi, Jehová Diospa siervonkunaqa Reinopaq predicacionpi hinaspa qatiqkunata ruraypipas llamkarqaku yaqa 12 000 wara-waranqantin horasta. Achkam kawsayninkupi cambiarqaku espiritual cosechapi astawan llamkanankupaq (Mat. 9:37, 38). Qayna watapiqa sapa killapim, yaqa pusaq pachaq pichqa chunka waranqa wawqenchikkuna llamkarqaku precursor hina. Precursor regular kaqkunaqa sapa killapi predicanku qanchis chunka horasta. Precursor auxiliar kaqkunañataq pichqa chunka horata predicanan.
3. ¿Imakunatam wawqe-panikuna ruraqku precursor hina kanankupaq?
3 ¿Munawaqchu precursor kayta? ‘manañam tiempo kasqanta’ musyakuspa, precursokuna kallpanchakuchkanku kawsayninkupi yanqallata mana sasachakunankupaq (1 Cor. 7:29, 31). Aslla tiempota kay pachapi llamkanankupaqqa qollqenkuta manam yanqataqa usuchinkuchu. Chaynapi, wakinkunaqa taksa wasikunapi yachanankupaq cambiakurunku hinaspataq wakinkunaqa mana astawan necesitaq kapuqninkunataqa saqerunku (Mat. 6:19-21). Wakinkunañataq kusikunapaq hinaspa samanankupaq tiempotawan pisiyarachinku. Tukuy chaykunata rurarqaku astawan chaymanta aswan allinta servicionpi llamkanankupaq (Efe. 5:15, 16). Hinallata kallpanchakuspa, mana amiruspa, Diosta mañakuspa hinaspa Jehová Diospi hapipakuspam, achka wawqe-panikuna tiemponkuta allinta allichakurqaku precursor hina kanankupaq
4. ¿Ima ruraykunataq yanapasunkiman precursor kayta haypanaykipaq?
4 Qamñataq, ¿atiwaqchu precursor kayta? ¿Imanasqataq mana tapunkichu achka watata sirveq precursorkunata yachanaykipaq imaynatam atinku chayna serviyta? Paykunawan predicacionman lloqsispa paykuna hina qampas kusikuyta tariy. Leey precursor kaymanta willaq qellqanchikkunata. Allin ruraykunata haypanaykipaq churakuy chaymanta gradasta qespichkaq hina allillamanta precursor kayta haypanaykipaq. Sichus sasachakuykuna harkachkasunki precursor kanaykipaq hinaptinqa, Jehová Diosman willaykuy oracionpi hinaspa atipanaykipaq yanapakuyninta mañakuy (Pro. 16:3).
5. ¿Imaynatam precursor kayqa yanapawanchikman aswan allin yachachiq kananchikpaq?
5 Bendecionkunawan kusikuykuna. Precursor kaspaqa aswan allinta Bibliawan yachachiyta atinchik, chaymi llumpayllataña kusichiwanchikpas. Huk sipas paninchik precursora kaspam nin kaynata: “Diospa Palabranwan allinta yachachiyqa, ñam sumaq bendecionqa. Precursor kaptikiqa achkatam Bibliataqa servichikunki. Kunanqa, sapa punkupi yuyayniyman hamun wasiyoqpaq hina textokuna”, nispa. (2 Tim. 2:15.)
6. ¿Ima yachachikuykunataq precursor kayqa yachachiwanchik?
6 Precursor kayqa yachachiwanchiktaqmi imayna allinta kawsakunanchikpaq. Mozokuna yachanmanku imaynatam tiemponkutawan qollqenkuta allinta servichikuyta chaymantaqa yachanmanku runakunawan hawkalla kawsakuytapas. Achkam wiñachinku espiritual kayninkuta precursor kasqanrayku (Efe. 4:13). Chaymantapas precursorkunaqa pasaqllata qawanku Jehová Dios atiyninwan paykunata yanapasqanta (Hech. 11:21; Fili. 4:11-13).
7. ¿Imaynatam precursor kayqa yanapawanchik Jehová Diosman anchuykunanchikpaq?
7 Ichaqa, precursor kayqa aswan allin bendeciontam tarichiwanchik Jehová Diosman anchuykachiwaspanchik, chaymi yanapawanchik sasachakuykunata vencenanchikpaq. Huk paninchik sasachakuykunata atipaq nirqa: “Precursor kaspa Dioswan allin kasqayta wiñachisqaymi yanapawarqa sasachakuykunata atipanaypaq”, nispa. Chaymantataq nirqa: “Jehová Diosman kawsayniyta tukuy sonqowan qosqayqa kusichiwanmi, chaywan runamasiyta yanaparqani mana haykapipas piensasqayman hina” (Hech. 20:35). Ñoqanchikpasyá hina chaynallata bendecionkunata chaskisunchik aswantaraq kallpanchakuspanchik predicaypi (Pro. 10:22).