¿Atiwaqchu precursor regular kayta?
1. ¿Imataq ñoqanchikpaq hatun ‘punku hina kicharayachkan’?
1 Apostol Pablopaq Diospa Munaychakusqanmanta aswan masta willakunanpaq huk hatun ‘punku hina kichakuruptinmi’ payqa yaykuchkanmanpas hina chay punkunta yaykurqa achkallaña contrapartenkuna kachkaptinpas (1 Cor. 16:9). Kunan tiempopipas enteron allpapim 642.000 wawqe-paninchikkuna chay hatun punkunta yaykurunku precursor regular hina servinankupaq.
2. ¿Imanasqataq ancha allin kanman tiemponchikwan imayna kasqanchikmanta musyarikuyninchik?
2 Imayna tarikusqanchikqa cambianmanmi: Imayna tarikusqanchikraykupaschá mana llumpaytaqa rurayta atinchikchu, ichaqa chaykunaqa cambiarunmanmi. Chaymi ancha allin kanman musyarikuyninchik imaynam kachkanchik tiemponchikwan, ichaqa amayá suyasunchikchu tiemponchik puchunantaraqqa (Ecl. 11:4). ¿18 watayoq colegio tukuykuchkaqña mozo-sipaschu kachkanki? ¿Icha warmaykikunapa escuelanchu qallaykunqaña? ¿Ichapas llamkaynikimanta jubilakunkiñapas? Tukuy chaykunam yanapasunkiman tiempoyki aswan yapakunanpaq chaynapi precursor regular hina servinaykipaq. Huk onqoq paninchikmi 89 watanpi kachkaspan precursora hina servinanpaq tanteakurqa. ¿Imanasqa? Huk watamanta masña hospitalman mana risqanraykum precursora hina servinanpaq tantearurqa.
3. ¿Ima arreglokunatam wakin wawqe-paninchikkuna rurarunku precursor regular hina servinankupaq?
3 Huk kutipim Pablo watukuyta munarqa Corinto llaqtapi kaq wawqe-panikunata, ichaqa manam watukurqachu Diospa sumaq noticianmanta aswan predicananrayku. Kunan punchawkunapipas achka wawqe-paninchikkunam tukuyta ruranku precursor hina servinankupaq. Wakin wawqe-paninchikkunam pisi qollqellawanña kawsakuyta yacharunku, parte punchawllatañam llamkankupas. Chaymi ancha kusisqallaña tarikunku precursor kasqankumanta (1 Tim. 6:6-8). Wakin ayllukunapim casado warmi-qari llamkaqkuna arreglota rurarunku qosa kaqpa llamkasqallanwanña kawsakunankupaq chaynapi warmi kaq precursora regular hina servinanpaq.
4. ¿Imatam rurachwan sichu mana segurochu kanchik 70 horasta servicionchikpi haypayta atispaqa?
4 Ama nisunchu precursor hina serviytaqa manam atiymanchu, manataqmi atiymanchu mañakusqa horaskuna cumpliytaqa, nispaqa. Sapa punchawmi iskay hora masnillanta rakinanchik. Sichu iskayrayachkanchikraq hinaspaqa huk otaq iskay killallapasyá precursor auxiliar hina servisun, ichaqa 70 horasta haypayta munaspa. Chaynapim ñoqanchikpas precursor kaqkunapa kusikuyninta sientesunchik (Sal. 34:8). Rimarisun precursor kaqkunawan, ichapas sasachakuyninchikta hina paykunapas atiparqaku (Pro. 15:22). Jehová Diostayá mañakusunchik servicionchikpi astawan kallpanchakusqanchikta bendeciwananchikpaq (1 Juan 5:14).
5. ¿Imaynanpitaq precursor regular hina serviyqa allinpuni kanman?
5 Precursor regular kayqa ancha allinpunim: Precursor regular hina serviqqa achka bendicionkunatam chaskin. Ejemplopaq, precursor kasqanraykum astawan kusikun runamasinta achkanpi yanapasqanwan (Hech. 20:35). Diospa cheqap Palabrantam aswan allinta yachachin (2 Tim. 2:15). Jehová Diospa yanapakuynintam achka kutita kawsayninpi sienten (Hech. 11:21; Fili. 4:11-13). Yanapantaqmi pacienciakuq kaypi chaynataq Jehová Diosman astawan asuykunanpaqpas (Sant. 4:8). ¿Atichwanchu yaykuyta chay hatun punku hina kicharayasqaman hinaspa precursor regular hina serviyta?