¿Yuyachkankichu precursor regular kasqaykita?
1. ¿Imam wakin iñiqmasinchikkunaqa karqaku hinaspa imam wakinta pasarun?
1 Tiempopa risqanman hinam waranqantin iñiqmasinchikkunam precursor regular kaspanku ‘yachachirqaku hinaspa allin noticiamanta willakurqaku’ (Hech. 5:42). Wakinmi imawanpas sasachakusqankurayku saqerunku precursor kayninkuta. Chayna tarikuspaykiqa, ¿yaqachu kaqmanta precursor kanaykipaq tanteakuwaq?
2. ¿Imanasqam precursor kayninku saqeqkuna kaqmanta precursor kanankupaq tanteanmanku?
2 Ima sasachakuyninchikpas cambianmi. Yaqapaschá precursor kaynikitaqa saqerqanki kaykuna pasasusqaykiwan. Ichapas saqerqanki 90 horasta predicayta mana atispayki, kunanqa 70 horallatañam predicanku ¿atiwaqchu kaqmanta precursor kayta? Ichapas manaña sasachakunkichu qollqemanta otaq familiaykita mantieneypi. Huk hermanam onqosqanrayku precursora kayninta saqerurqa, wata partenña hospitalman manaña risqanraykum 89 watanpi kachkaspanpas qaliyaykuspanqa kaqmanta precursora kananpaq tanteakurqa.
3. ¿Imaynatam familiapi kaqkuna yanapanakunmanku mayqenninkupas precursor kanankupaq?
3 Kikikiqa manapaschá haykapipas precursorchu karqanki, ichapas familiaykipi pipas precursor kayninta saqerun yuyaqyasqa tayta-mamanta otaq familiapi pitapas yanapananrayku (1 Tim. 5:4, 8). ¿Manachu qampas otaq mayqenninchikpas yanapaykuwaqchik? Chay asuntomantam familiapi tanteawaqchik (Pro. 15:22). Familiapi mayqennikichikpas precursor regular kananpaq yanapaspaqa allintam rurachkankichik.
4. ¿Imatataq rurawaq kaqmanta precursor kayta mana atispaqa?
4 Kaqmanta precursor regular kayta manaraq atispaqa ama hukmanyaychu. Precursor kay munasqaykiqa kusichinñam Jehová Diosta (2 Cor. 8:12). Predicasqaykipi hinalla servichikuy precursor kaspa yachasqaykikunata. Jehová Diosta mañakuy precursor kanaykipaq hinaspa listo kay sasachakuyniki manaña kaptinqa precursor kanaykipaq (1 Juan 5:14). Tiempopa risqanman hinam Jehová Diosqa ‘Punkuta kichanqa’ astawan predicanaykipaq hinaptinqa atinkim kaqmanta precursor regular kayta (1 Cor. 16:9).