Tiempowan preparakuspa sapakamapi interesakusun
1 Predicanapaq allinta preparakuspaqa, manam sasachu kanqa sapakamapi interesakuyninchikqa. ¿Imanasqa? Mana llumpay preocupasqa imayna rimananchikmanta kaspanchikmi allinta uyarisun predicasqanchikkunata. Chaymantapas yanapawanchikmi manchakuyta atipanapaq hinaspa hawkalla rimanapaq. Chaynaqa, ¿imaynatam allin rimaykunata preparachwan predicanapaq?
2 Predicanapaq rimaykunamanta aswan allin kaqninta servichikuy: Enero 2006 Reinopaq Servicionchikpi predicanapaq allin rimaykuna lloqsimusqanmanta, akllay predicanayki lawpaq aswan allin kaqta. Tanteay ima rimaykunatam servichikuwaq predicanayki lawpi hina rimanaykipaq. Ejemplopaq, huk religionniyoq otaq huk castamanta runakunawan tupaspaykiqa, tanteay imamantam munanman uyariyta. Runakunapaq hina predicayninchikmi qawachinqa paykuna kuyasqanchikta (1 Cor. 9:22).
3 Predicasqaykiman hinam rimaynikikunaqa aswan allinña kanqa. Rimasqaykipa qallariynin aswan allin kasqanraykum, runamasinchikpa imayna uyariwasqanchikta qawanayki. ¿Rimasqaykimanta uyarinkuchu? ¿Tapusqaykikunata kutichinkuchu? Mana chayna kaptinqa, uyarinankupaq hinam huk rimaykunawan predicawaq.
4 Imaynatam yuyarichwan predicanapaq rimaykunata: Achka wawqe-paninchikkunam imayna predicayta mana yuyariyta atinkuchu wasiyoqpa punkunpiña kachkaptinku. Chayna pasasuptikiqa, ¿uyarikunapaq hinachu imayna predicaynikita hukwan practicarurqankiña? Chayna rurasqaykim yanapasunki rimasqaykikuna umaykipi claro kananpaq hinaspa rimasqaykikunapas allinta entiendekunqa. Chaymantapas yanapasunkim predicacionpi sasachakuykunata atipanaykipaq.
5 Imayna predicanaykitapas papelpim qellqawaq hinaspa manaraq wasiyoqpa punkunta takachkaptiki mosoqmanta chaylla leewaq. Kayna qellqasqankum achka wawqe-paninchikkunata yanapan runakunawan hawkalla rimanankupaq. Qawasqanchikman hina, allin preparakusqanchikmi sapakamapi hinalla interesakusqanchikta qawachinqa hinaspa imayna predicaytapas allinta yanapawasun.