Imaynatam servichikuchwan rimarinapaq sugerenciakunata
1. ¿Imaynatam servichikunchikman rimanapaq sugerenciakunata?
1 Reinopaq Servicionchikpi lloqsimun sugerenciakuna resvistanchikkunata hinaspa publicacionkunata munachinanchikpaq. Predicacionpiqa manam sugerenciapi hina kaqllatachu rimananchik. Chay rimarinapaq sugerenciakunaqa yuyarichiwanallanchikpaqmi. Chayrayku aswan allinraq kanman sichus kikinchikpa entiendesqanchikwan rimaptinchikqa. Entiendenapaq hina rimaptinchikmi uyariqninchikkunapas kusikunqaku hinaspa qawachisunchik sonqonchikmanta rimasqanchiktawan convencisqa kasqanchikta (2 Cor. 2:17; 1 Tes. 1:5).
2. ¿Imanasqataq rimananchikkunata alistakuspanchik musyananchik llaqtapi imayna rurasqakutaqa?
2 Uyariwaqninchikkunapaq hina rimasunchik. Allin noticiakunamanta willasqanchikqa kanan llaqtapi imayna rurasqakuman hinam. ¿Saludaykuspa rimapayasqanchikmantañachu publicacionpaq sugerenciata rimayta qallarichwan? ¿Ichachu runakunaqa chaylla rimananchikta suyanku? Chaytaqa musyasunchikmi llaqtapi imayna rurasqankuta hinaspa imayna runakuna kasqankuta qawaspanchik. Chaynallataqmi allinta musyananchik runaman tapukuykunata rurananchikpaq. Kanmanmi tapukuykuna wakin llaqtakunapaq allin, ichaqa wakinpiñataqmi hukmanyachinman runakunataqa. Chayrayku sumaqta tanteananchik rimananchikpaq hinaspa rimasunchik uyariwaqninchikkunapaq hina.
3. ¿Imanasqataq musyarinanchikqa llaqtapi rimapayasqanchik runakunapa imayna tarikusqanta hinaspa imayna piensasqankutapas?
3 Chaymantapas, predicananchikpaq alistakuspanchikmi musyarinanchik llaqtapi runakuna imayna tarikusqankuta hinaspa imayna piensasqankuta. Mateo 6:9, 10 nisqanmanta católico kaqwan rimarispaqa manamá hinallatachu rimarichwan yayayku oracionmanta mana yachaq runawanqa. Yuyaymanarispanchikmi atisunchik rimariyta uyariwaqninchikkunapaq hina, chaynallapas predicacionpi tarisqanchikkunata interesachinanchikpaqpas (1 Cor. 9:20-23).
4. ¿Imanasqataq aswan allinraq kanman allinta preparakuy?
4 Sichus rimariyta munasunchik qellqasqapi tarikusqanman hina aswan allinraqmi kanman sumaqta preparakuspa rimariyqa. Chaypaqa atencionwanmi leenanchik imamanta rimarinanchikta, hinaspa maskasunchikpas imakunawanmi interesachichwan uyariqninchikkunata chaykunamanta rimarinanchikpaq. Publicacionninchikkunapa sumaq yachachisqankunamanta allinta reqsispallanchikmi kusikuywan munachiyta atisunchik.
5. ¿Imanasqataq atichwan huknirayta rimarinanchikpaq rurayta, hinaspa imaynatataq chayta rurachwan?
5 Wakin rimarinapaq kaqkuna. ¿Servichikunanchikchu rimarinapaq sugerenciakunapa nisqallanta? Manam. Sichus allinta servichikunchik huk rimaykunata otaq Bibliapi wakin textokunatapas, hinallayá chaykunata servichikusunchik. Astawanraq revistanchikkunata munachispanchikqa, sichus resvita ukunpi wakin nisqankuna uyariqninchikkunapaq hina kaptinqa servichikusunchik. Serviciopaq huñunakuykunapi demostracionkunata ruraspaqa servichikuchwanmi llaqtapi chaskisqanku rimariykunata. Chaynatam yanapanakusunchik kay allin noticiakunata sumaqta willananchikpaq.