Día especial asambleapaq mosoq programa

Chuya espiritupa atiyninwan kallpanchakuspankum, punta kaq cristianokuna tukuy kapuqninkunata servichikurqaku karu llaqtakunaman Diosmanta allin noticiakunata apanankupaq (Hech. 1:8; Col. 1:23). Hamuq 2007 servicio watapaq día especial “Diospa palabranta estudiaypi afanakusun” nisqan asambleam, yanapawasun allin rurasqankuta qatipakunanchikpaq (Hech. 18:5).

Diospa Palabranmantam rey David kaynata nirqa: “Tayta Diospa kamachikuyninkunaqa mayna sumaqllaña confiakunapaqmi. Paypa sumaq kamachikuyninkunaqa mana yachallaqman yachay qoykuqraqmi” (Sal. 19:7). Sumaqllaña preparasqam kachkan kay asambleapa yachachikuyninkunaqa, Diospa Palabran allin kasqantam qawachinqa “pantaypi puriptinchikpas allin ñanman kutirichiwananchikpaq”, kallpanchawasuntaq qawan-qawanlla predicanapaq hinaspa Diospa Palabranta servichikuspa yachachinanchikpaqpas (2 Tim. 3:16, 17). Yachachiwasuntaqmi imaynatam peligrokunamanta karunchakuchwan hinaspa Diospa yachachikuyninkunata kasukuptinchik allinninchikpaq kasqanta. Chaymantapas yachasunmi imaynatam yanapachwan Diospa Palabranwan mozo-sipaskunatawan mosoq kaqkunata iñiyninkupi wiñanankupaq.

Tukuy atisqaykita ruray asamblea qallariptin chaypi kanaykipaq hinaspa ancha atencionwanyá uyariy. Qampaq hina yachachikuykuna kaqta qellqakuy. Agradecekusqanchikta qawachisun yachasqanchikmantawan yuyarichiwasqanchikmanta, hinaspa yuyaymanarisun imaynatam rurayman churachwan.

Día especial asambleapa yachachikuyninkunam yanapawasun Diospa Palabranta anchata kuyananchikpaq, yuyarichiwasuntaqmi tukuy sonqonchikwan Diospa Munaychakusqanmanta predicanapaq hinaspa yachasuntaq imaynatam hukkunata yanapachwan kaqllata ruranankupaq. Chaynaqa, amayá faltakusunchu asambleantakama Jehová Diospa tukuy yachachikuyninkunata chaskinanchikpaq (Isa. 30:20b, 21).