Anchata agradecekuspa rantinchikpi Cristopa wañusqanta yuyarisun
1, 2. ¿Ima razonkunataq kan rantinchikpi Jesuspa wañusqanta agradecekuspa yuyarinanchikpaq?
1 Jesuspa kamachisqanta kasukuspanchikmi Jehová Diospa testigonkunaqa allpantinpi huñunakusunchik 2008 watapi marzo killapa 22 kaq sabado punchawninta Inti seqaykusqan qepata Jesuspa wañusqanta yuyarinapaq (Luc. 22:19; 1 Cor. 11:23-26). Allinpaq kasqanmanta anchata agradecekuspanchikmi huñunakusun, ñam 1.975 wataña pasarun, Jesucristo wañunankama ñakarisqanqa. Diosman sonqo kaspanmi qerupi wañunankama ñakarispan Jesusqa Taytanpa sutinta chuyanchaspa hatuncharqa hinaspam taytanpa contranpi Diablopa nisqankunaqa llulla kasqanta qawachirqa (Job 1:11; Pro. 27:11).
2 Chaynataqmi Jesusqa yawarninwan mosoq contrato rurasqanta chanincharqa chaywanmi huchallikuq runakunata Diosqa churichakurqa hanaq pachamanta Cristowan Gobiernamunankupaq (Jer. 31:31-34; Mar. 14:24). Jesucristo ñakarispa wañusqanqa qawachinmi Jehová Diosqa runakunata ancha kuyasqanta Nicodemoman Jesuspa yachachisqanpi hina (Juan 3:16).
3. ¿Imaynatataq yanapasqa kanmanku Jesuspa wañusqanta Yuyarinapaq huñunakuqkunaqa?
3 Invitacionkuna: Enero killapaq Reinopaq Servicionchikpim willamuwarqanchik listata ruraspa Jesuspa wañusqanta Yuyarinapaq sapakama reqsinakusqanchikman invitamunanchikpaq. ¿Qallaykunchikñachu invitamuyta? Yachanchiktaqmá marzo killapa 1 kaq punchawninmanta predicasqanchik lawpi runakunaman invitacionta apanapaq. ¿Rurarunchikñachu arreglokunata chay invitacionkunata apanapaq? Yuyarinanchikmi chay huñunakuypi Bibliamanta discursoqa uyariqkunatam Cristo librawananchikpaq wañusqanpi iñiyninkuta astawanraq hatallichinqa hinaspa wiñay kawsaytapas chaskinqakum (Rom. 10:17).
4. ¿Imanasqataq Jesuspa wañusqanta Yuyarinapaq huñunakuyman tiempowan chayayqa allinpuni?
4 Ima rurananchik kaptinpas, allin arreglokunata ruraspaqa tiempowanmi chayasun invitasqanchik runamasinchikta chaskinanchikpaq. Chay huñunakuyman achka hamuptinkum, qawan-qawanlla kananchik chayllaraq hamuqkunata chaskinapaq, ichaqa huñunakuykunaman wakin kutikunallapi hamuqkunatapas reparananchiktaqmi.
5. ¿Imaynatam sonqonchikmanta kallpanchakuchwan chay huñunakuypaq?
5 Sonqonchikmanta kallpanchakusun: Examinando las Escrituras diariamente nisqa folletopi chaynataq 2008 watapaq almanaquepipas rikurinmi Bibliamanta leenapaq arreglo 17 marzo killamantapacha. Kay arregloman hina Bibliata leesqanchikmi yuyarichiwasunchik wañunanpaq hichpaykamuq punchawkunapi ima allinkunata Jesuspa rurasqanta. Leesqanchikpi oracionwan yuyaymanaspaqa sonqonchikpim kallpanchakusunchik Jesuspa wañusqanta Yuyarinapaq, chaynata ruraspaqa sonqonchikmantam Jehová Diosta hinaspa churinta agradecekusunchik librawasqanchikmanta (Esd. 7:10; Sal. 143:5).
6. ¿Ima ruraytataq atisun librawananchikpaq Jesuspa wañusqanta agradecesqa yuyarispaqa?
6 Jesuspa wañusqanta Yuyarinapaq punchawqa hichpaykamuchkanñam, chaynaqa llapanchikchá kallpanchakusun chaypi kananchikpaq. Chaynallataqmi hukkunatapas yanapananchik chaypi kanankupaq. Librawananchikpaq Jesuspa wañusqanta agradecesqa yuyarispaqa kallpanchasqam kasunchik huk sonqolla kanapaq Jehová Dioswan chaynataq Churinwanpas (2 Cor. 5:14, 15). Chaymantapas kallpanchasqam kasunchik runamasinchikta kuyanapaq imaynam Jehová Diospas chaynataq Jesuspas kuyawasqanchikman hina (1 Juan 4:11).