¡Octubre killapi Bibliamanta estudiota qallarisun!
1. ¿Imatam octubre killapi munachisun?
1 Octubre killapim Llaqta Cuidaq hinaspa ¡Despertad! revistakunata munachisun. Uyariwaqninchik yachayta munaptinqa, kaqllam watukuchwan ¿Munawaqchu cheqapmanta yachayta?, niq tratadowan Bibliamanta estudiota qallarinapaq. Qawasun imayna ruranamanta.
2. Revistakuna chaskiwaqninchikman kaqmanta watukuspa, ¿imaynatam servichikuchwan Cheqapmanta yachachiq, tratadota Bibliamanta estudiota qallarinapaq?
2 Imaynatam servichikuchwan chay tratadota. Kaynatam niwaq: “Qayninpa qosqay revistakunaqa lliw runakunatam kallpanchan Bibliamanta yachanankupaq. [Qoy, ¿Munawaqchu cheqapmanta yachayta?, niq tratadota hinaspa qawachiy hawanpi kaq tapukuykunata.] Kay tapukuykunatam Biblia kutichichkan. ¿Mayqanmantam astawan yachayta munanki?”, nispa. Allinta uyariy imam nisusqaykita. Chaymanta paywan leey tratadopa kutichisqanta hinaspa rikuriq huk textotapas. Niytaq Bibliaqa tukuy imamanta yachachisqanta. Hinaspa Yachachiq librota qoykuy. Kunanqa kaykunatam rurawaq: Puntataqa, uyarisuqnikitam niwaq libropa listanpi mayqan yachachikuynintapas akllananpaq, hinaspam punta parrafokunata estudiachiwaq. Otaqmi, tratadowan rimasqaykichik yachachikuymanta libropi aswan yachachikuykunata maskawaq. Chaypaqmi qatiqninpi kaqkuna yanapasunki:
● ¿Nanachikunchu Dios ñoqanchikmanta? (págs. 9-11 párrs. 6-10)
● ¿Haykapipas tukunqachu guerrakuna hinaspa ñakariypas? (pág. 12 párrs. 12, 13)
● ¿Imataq pasawanchik wañuptinchik? (págs. 59, 60 párrs. 7, 8)
● ¿Kanmanchu ima suyakuypas wañusqakunapaq? (pág. 71 párrs. 13-15)
● ¿Imaynatam mañakunanchik Dios uyariwananchikpaq? (págs. 166, 167 párrs. 5-8)
● ¿Imata ruraspataq kusisqa kachwan? (pág. 9 párrs. 4, 5)
3. ¿Imakunatam rurachwan Bibliamanta estudiota qallarinapaq sasachakuspaqa?
3 Punta watukusqaykipi Yachachiq librowan Biblia estudiachiyta qallarinaykipaq sasachakuspaykiqa, niwaqmi hukpiña hinalla rimanaykichikpaq. Uyarisuqniki yachayta munaptinqa, hukpiña watukuspaykim tratadopi tapukuykunamanta hinalla yachachiwaq manaraq Yachachiq librota qochkaspayki. Hinaptinqa allintayá kay tratadota servichikusun octubre killapi Bibliamanta estudiota qallarinapaq, chaynapim allin sonqoyoq runakunata yanapasun cheqapmanta yachanankupaq (Juan 8:31, 32).