¿Atichwanchu Diosmanta willakuyta tardeykuqta?
1. Huk qellqapa nisqanman hinaqa, ¿imay horatam Pabloqa wasin-wasin predicaq?
1 Huk qellqam nin apostol Pablo “tawa hora tardeykuqmanta tutaykuqkama” wasin-wasin predicasqanta (Daily Life in Bible Times). Chay horakuna lloqsisqanta mana sumaqta yachaspapas, yachanchikmi ‘Cristomanta allin noticiata willakunanrayku tukuy ima rurasqantaqa’ (1 Cor. 9:19-23). Achka runakunaman wasin-wasin predicananpaqqa puntataraqchá tukuy ima rurayninkunata allichanan karqa.
2. ¿Imanasqam ancha allin tardeykuqta Diosmanta willakuyqa?
2 Achka lawkunapiqa predicaqkunaqa tempranollanpim lloqsinku. Ichaqa, ¿chay horakunallapichu tarichwan runakunata wasinkupi? Huk precursormi nin: “Tempranonpiqa manam anchatachu runakunataqa tarinchik, tutaykuqtam ichaqa”. Tardeykuqtam runakunaqa aswan hawkalla tarikunku hinaspa parlariytapas munanku. Qarikunamanpas atichwanmi Diosmanta willaytaqa. Atikuptinqa congregacionpi punta apaqkunam iñiqmasinkuna tarden lawta predicaq lloqsinankupaq tanteanmanku.
3. ¿Imaynatam tanteoyoq kasqanchikta qawachinchik tutaykuqta predicaspanchik?
3 Yachayniyoqyá kasun. Tutaykuqta predicaspaqa allin tanteoyoqmi kananchik. Sichu mikuy horata huk wasiman chayaruspaqa kutimunanchikpaqmi wasiyoqta nichwan. Wasipa punkunpi mana achki kaptinqa, qawawananchikpaq lawpim sayachwan hinaspa sutinchikta willaspa imanasqa watukusqanchikmanta nichwan. Ancha allintaqmi kanman iska-iskay predicayninchik hinaspa iñiqmasinchikkunamanta mana karunchakuyninchikpas. Allintaqmi achkiyoq hinaspa achka runakunapa purisqan lawkunapi predicayninchikpas. Ichaqa manam allinchu kanman llumpay tutaña punkukunata takayninchikqa, ichapas runakunaqa puñunankupaqña allichakuchkanku (2 Cor. 6:3). Chaymantapas, manam allinchu kanman mana allin runakunapa lloqsimusqan lawkunapi tutaykuqkama predicayninchikqa (Prov. 22:3).
4. ¿Ima bendicionkunatam chaskisun tardeykuqta Diosmanta willakuspaqa?
4 Bendicionkuna. Runakunaman Diosmanta willaspanchikmi aswan kusisqa tarikunchik. Diosmanta astawan willakuptinchikqa achka runakunam atinqaku cheqap yachachikuymanta yachaspa salvakuyta (1 Tim. 2:3, 4). Chaynaqa, ¿atichwanchu tiemponchikta rakispa tardeykuqta Diosmanta willakuyta?