Tapukuykunapaq kaq

◼ ¿Warmiqa tapakunanchu umanta Bibliata wasi punkullapi estudiachinanpaq bautizasqa qariwan compañachikuspanqa?

Pimanpas sapa kutiña estudiachisqanman qariwan compañachikuspanqa umantam tapakunan (1 Cor. 11:3-10). 2002 watapi 15 julio La Atalaya revistam 27 kaq paginanpi nin: “Pitapas Bibliamanta sapa kutiña estudiachiqqa paymi qallarin, chayna ruwasqanqa huñunakuyta qallarichinanpaq dirigiqmanmi rikchakun. Chaymi warmiqa pimanpas Diosmanta yachachinanpaq bautizasqa qariwan compañachikuspanqa umanta tapakunan”, nispa. Maypiña estudiota qospanpas warmiqa umantam tapakunan bautizasqa qariwan compañachikuspanqa.

Bibliata estudiachinanpaq Diosmanta yachay munaqman kaqmanta watukunanpaq qariwan compañachikuspanqa mayqen qellqanchikwan Bibliata imayna estudianapaq kasqanmanta qawachispanpas otaq yachachispanpas, ¿tapakunanchu warmiqa umanta? Manam. Pimanpas Diosmanta sapa kuti yachachinapaqqa pisi-pisimantam otaq achka kutikama watukuspam sapa kutiña yachachinapaq kallpanchanchik. Chaymi Bibliamanta estudiachiq warmikunaqa allin tanteoyoq kananku haykapi umankuta tapakunankupaq.