Agosto killaqa mana qonqanapaqmi kanqa

1. Diospa Gobiernon pachak watanmanña hichpaykamusqanrayku, ¿imatam enteron allpa Pachapi aypusunchik?

¹ Mayna sumaqmi kanqa Diospa Gobiernon pachak watanmanña hichpaykamusqanrayku paymanta willakuspa hatunchayqa. Agosto killapim enteron allpa Pachapi mosoq tratadota aypusunchik, sutinmi ¿Pitaq otaq imataq yanapasunkiman tapukuynikimanta yachanaykipaq? Kay tratadom lliw runakunata kallpanchan tapukuyninkupa kutichiyninta Bibliankupi maskanankupaq, rimachkantaqmi Internetpi jw.org nisqan imayna yanapananmantapas.

2. ¿Imaynatam agosto killapi ‘hatun kusikuywan qaparispa Jehova Diosta’ alabachwan?

² Kusikuywan qaparispa Jehova Diosta alabanapaq. Lliw bautizasqa kaqkunaqa atinmankum agosto killapi 30 horallata predicaspanku precursor auxiliar kayta. Chay killaqa pichqa viernesniyoq, sabadoyoq hinaspa domingoyoq kasqanraykum, llamkaq otaq estudiaq iñiqmasinchikkuna precursor kayta atinqaku. Sichu estudiachisqayki runa otaq churi-wawayki predicaq lloqsinanpaq hinaña kaptinqa congregacionnikipi ancianowan rimay. ¡Mayna kusikuypaqchá kanqa chay killapi predicaq lloqsisqankuqa! Achka precursor regular kaqkunam agosto killapi samarinku, watapi hayka hora predicanankuta haypasqankurayku, chaymi paykunapas tanteanmanku chay killapi astawan yanapakunankupaq. Kunanmantapunim familiakunapas tanteanmanku agosto killapi ‘hatun kusikuywan qaparispa Jehova Diosta alabanankupaq’ (Esd. 3:11; Prov. 15:22).

3. ¿Imapaqmi agosto killapi kallpanchakunanchik?

³ Ñawpaqta aypusqanchikman hinam kay agosto killapipas aypusunchik. Ichaqa astawanmi kallpanchakunanchik astawan predicanapaq, precursor auxiliar kanapaq hinaspa predicaqkuna yapakunanpaqpas. Chayta ruwananchikpaq kallpanchakuptinchikqa Jehova Diosmi yanapawasun (Mat. 24:14).