Allinta yanapanapaq: yapapi kutispa yachachinaykipaq tapuywan piensarichiy

¿Imanasqataq ancha allin? Diospa palabranqa muhu hinam, chaymi yachay munaqta tarispaqa parqochkaq otaq qarpachkaq hina yapamanta kutispa yachachinanchik (1 Cor. 3:6). Chaymi watukusqanchikmanta manaraq pasakuchkaspa allpata preparachkaq hina tapunanchik haykapi kutinapaq. Chaymantapas piensarinanpaqmi tapunanchik yapapi watukuspa contestanapaq, chaynata ruwaspaqa uyariwaqninchiktam astawan yachayta munananpaq kallpanchasun. Tapusqanchikpa kutichiyninkuna saqesqanchik qellqapi kaptinqa kallpanchakunqam leenanpaq. Chaynata ruwaspaqa mana sasachakuspam wasiyoqman kaqmanta watukusunchik, paypas yachanqam imamanta yachachinanchikpaq kasqanta. Yapamanta watukuspaqa nichwanmi imamanta contestanapaq kutisqanchikta hinaspam chayman hina rimananchik.