Allinta yanapanapaq: Uyariqkunataqa kaqmantam watukuna

¿IMANASQAM ANCHA ALLIN? Haykam uyariwaqninchik runakunaqa Diosmanta yachaytam maskachkanku (Is 55:6). Chaymi paykunaman astawan yachachinapaqqa achka kutikama watukunanchik. Runakunaqa tukuy sasachakuykunawan intusqam kawsachkanku, chaymi uyariwananchikpaq hina sumaqta yuyaymanaykuspa parlapayana. Ichaqa, sunqunkuman chayanapaqqa manaraq watukuchkaspam imamanta yachachiy tanteasqanchikmanta allinta yachananchik, chaynapi ichapas watukusqanchik runaqa biblia estudiayta qallarinman.

¿IMAYNATAM RUWACHWAN?

• Manapas unaymantam kaqmanta watukuna, kanmanmi iskay-kimsa punchawllamanta (Mt 13:19).

• Riqsinakusqaykiwan hina parlay, respetowan. Ama mancharisqa hinachu kay.

• Sumaq simiwan rimakuykuy. Sutinmanta rimapayay. Willaytaq imanasqa kaqmanta watukusqaykimanta. Niwaqmi tapukuyninmanta yachachinaykipaq, chayllaraq lluqsimuq qillqata qunaykipaq, jw.org nisqanta qawachinaykipaq, videota qawachinaykipaq utaq imaynata bibliamanta yachachisqanchikta willanaykipaq kutisqaykimanta. Wasiyuqpa imamantapas rimay munasqanmanta parlaychik (Flp 2:4).

• Imamanta yachachisqaykimanta astawan yachananpaq chaymanta rimaq qillqanchikta quy utaq bibliapa nisqanta ñawinchapuy (1Co 3:6). Kallpanchakuy amistadninta hina hapisunaykipaq.

• Kaqmanta watukuspayki imamanta yachachinaykipaqpas niy.