Allinta yanapanapaq: runakuna yanapay munasqaykita qawachiy
Imanasqam ancha allin. Jesusqa manam kikillanpichu piensaq aswanqa wakiqninpim. Huk kutipim mana uyarikuy atiq runata hampiq rirqa, chaypim mancharisqa kasqanta qawaykuspan mana pipapas kasqanman pusarqa (Mar. 7:31-35). Qatiqninkunamanpas kuyapayaspanmi as-asllamanta yachachirqa (Juan 16:12). Jesusqa hinallamá hanaq pachamantapas lliw runakunapi reparachkan (2 Tim. 4:17). Cristianokunaqa payman rikchakuq kanapaqmá kallpanchakunchik (1 Ped. 2:21; 1 Juan 3:16, 18). Diosmanta willakusqanchikta chaskinankupaqqa kuyapayakuqmi kananchik chaymantapas runakunapa imayna tarikusqankupi, ima munasqankupi hinaspa sasachakuyninkunapim piensana. Chaynata ruwaptinchikqa manam qellqakuna aypuqlla risqanchiktachu piensanqaku, aswanqa paykuna yanapay munasqanchiktam.
Kayta ruway huk killapuni:
Familiawan Diosta Yupaychanapaq Tutapi, otaq predicanapaq huñunakuypi, runakunapa imam yachay munasqankuman hina rimanaykichikpaq ensayaychik.
Predicanapaq huñunakuyta ruwaqpas qawachinmanmi imakunata ruwaspa runakuna yanapay atisqanchikta, ruwanmantaqmi huk demostraciontapas.