“¡Manam tarichikunchu!”

Yaqapaschá chaynata nirqanchik Diosmanta yachay munaq runata watukuspa wasinpi mana tarispanchik. Kallpanchakuspapas sasachakunchikmi Diosmanta willasqanchik sonqonpi wiñananpaq yanapaytaqa (1 Cor. 3:6). ¿Imatam ruwachwan? Unay wataña predicaq wakin iñiqmasinchikkunam cartata otaq papelpi qellqaykuspa punkunkupi saqeykunku. Wakinkuñataqmi, kutimuspanku manapas tarinankuta piensaspa telefononpa numeronta mañanku kaynata nispa: “¿Apaykachimuykimanchu mensajeta?”. Cartaspa, papelpi imallatapas qellqaspa, Internetnintakama otaq celularnintakama mensajeta apachispa, telefonontakama qayaspapas sapa kutim kaqmanta watukusqanchikta hina yupananchik. Wasinpi mana tarispapas kaykunata ruwaspam yanapasunchik Diosmanta hinalla yachay munanankupaq.