Wiñananpaqqa parqonam otaq qarpanam
1. ¿Imanasqataq parqochkaq hina kaqmanta watukunanchik?
1 Imatapas tarpuruspaqa wiñananpaqmi yakuwan parqonanchik. Chaynatataqmi predicasqanchik lawkunapi Diosman sonqo runakunapa sonqonpi Diospa palabranta tarpuspaqa parqonanchikmi wiñananpaq (1 Cor. 3:6). Chaymi kaqmanta watukunanchik tarpusqanchikta parqochkaq hina Diospa Palabranwan astawan yachachinapaq. Hinaptinmi sapichakuspa wiñaspan rurunqa.
2. ¿Imatataq rurachwan yachay munaqta hinalla yanapanapaq?
2 Tapuy, yapapi kutispa contestanaykipaq. Imayna predicanapaq preparakuspaqa, allinmi kanman runakuna imamanta yachay munasqanpi piensayqa chayman hina yapamanta watukuspa hinalla yanapanapaq. Rimayta tukuruspalla tapuy, hinaspa yapapi kutispa contestanaykipaq niy. Achkam, Yachachiq libropi tapukuykunata allinta servichikunku, chaywanmi yanapachikunku Biblia estudiachiyta qallarinankupaq.
3. Pipas Diosmanta yachayta munaptinqa, ¿imakunatam anotana?
3 Allinta anotay. Piwanpas chayraq rimaspaykiqa anotay sutinta, direccionninta, imay punchaw, imay hora rimasqaykita hinaspa imamanta willasqaykita chaynataq saqesqayki qellqamantapas. Chaymantapas anotawaqmi; ima religionpi kasqanta, familianmanta hinaspa imamanta preocupakusqanta otaq imapi interesakusqanmantapas. Chaykunamanta yachasqaykim allinta yanapasunki yapamanta watukunaykipaq. Amataq qonqaychu kaykuna anotaytapas, ima punchawpi kutinaykita hinaspa ima tapukuy saqesqaykimantapas.
4. ¿Imanasqam hinalla kallpanchakunanchik kaqmanta kutinapaq?
4 Hinalla kallpanchakuy. Satanasmi tukuyta ruranqa runapa ‘sonqonpi tarpusqaykita’ yanqachananpaq (Mar. 4:14, 15). Chaymi Diosmanta yachay munaqman yapamanta watukuspa mana tarispaykiqa ama hukmanyaychu. ¿Atiwaqchu imallatapas qellqaspa saqeyta otaq apachiwaqchu cartata? Huk precursoram Biblia estudiachiyta qallaykurqa huk señorata wasi punkullanpi, ichaqa yapapi kutispanmi manaña tarirqañachu hinaptinmi huk cartata apachirqa. Yapapi tariruptinmi cartasqanwan kallpanchasqa kasqanmanta chay señoraqa willakurqa. Tarpusqanchikta parqospaqa qawasunmi sapichakuspa wiñasqanta chaynataq kimsa chunkata, soqta chunkata, pachakta rurusqantapas (Mar. 4:20).