DIOSPAQ HINA KAWSANAPAQ
Allinta yanapanapaq: Celularwan utaq telefonawanyá Diosmanta willakusun
¿IMANASQAM ANCHA ALLIN? Wakinpiqa manam runakunataqa wasinkupiqa tarinchikchu utaq yachasqanku lawkunamanqa mana chayayta atinchikchu. Chaymi celularwan Jehova Diosmanta willakuyqa ancha allin. Chaynata willakuspanchikmi ‘Diospa ancha kuyakuyninmanta sumaq willakuyta willakuchkanchik’ (Hch 20:24).a
¿IMAYNATAM RUWACHWAN?
Puntamantaraqmi imayna ruwananchikpaq tantiananchik. Imamanta rimananchikpaq huk yachachikuyta akllasun. Chaymanta, imakuna rimananchikta papelpi qillqaykusun. Qillqachwantaqmi imanasqa qayasqanchikmanta ninanchikpaqpas, chaynapi mana pipas contestamuptin mensajeta saqinanchikpaq. Chaymantapas manaraq qayachkaptinchikmi biblianchik kichasqaña kanan hinaspapas JW Library® utaq jw.org® niqpas kichasqañam kanan.
Ama manchakusunchu. Imayna rimasqanchikman hinalla rimasun. Ñawpaqninchikpi wasiyuq kachkanmanpas hina kusisqa rimasun. Amayá llumpay allillamantaqa rimasunchu. Allintaqmi kanman huk iñiqmasinchikkunawan kuska qayayninchik. Qayasqanchik runa imamantapas tapuwaptinchikqa chay tapukuyninta kaqmanta rimarisun, chaynapi yanapawaqninchik iñiqmasinchik bibliapi maskaspa yanapawananchikpaq.
Kaqmanta qayananchikpaq nisun. Qayasqanchik runa bibliamanta astawan yachayta munaptinqa yachay munasqanmanta yapapi rimananchikpaq niykusun. Chaymantapas niykuchwantaqmi huk kaqnin qillqanchikta celularninman apachinanchikmanta utaq kikinman qunanchikmantapas. Apachichwantaqmi huk kaqnin videonchiktapas. Niykuchwantaqmi jw.org niqpi huk kaqnin videonchikta utaq qillqanchikta qawananpaqpas.
a Yachasqayki lawpi celularwan utaq telefonowan willakuyta autoridadkuna mana harkakuptinkuqa, kallpanchakuy paykunapa nisqanman hina ruwanaykipaq.